कवर्धामध्ये पुन्हा फडकला भगवा

कवर्धा : छत्तीसगडच्या कवर्धा भागात कट्टरतावाद्यांच्या जमावाने भगवा ध्वज उतरवल्यानंतर रविवारपासून सुरू असलेल्या तणाव निवळेनासा झाला आहे. हिंदूत्ववादी संघटनांनी जिथून भगवा उतरवला, त्या ठिकाणी पुन्हा भगवान हनुमानाची प्रतिमा असलेला महाविरी ध्वज फडकविण्यात आला होता.



हिंदूत्ववादी कार्यकत्यांनी शांतीपूर्ण वातावरणात हे काम करत असताना काही कट्टरतावाद्यांनी त्यांच्यावर हल्ला चढविला. या प्रकारामुळे वातावरणात तणाव आहे. पोलीसांनी कलम १४४ लागू केले आहे. पोलीसांनी आरोपीचा शोध घेण्याऐवजी आंदोलन करणाऱ्या हिंदूत्ववादी संघटनांवर कारवाई केल्याचा आरोप आहे. पोलीस हे गुन्हेगारांना सोडून निरपराध्यांवर दंडुकेशाही करत असल्याचा आरोपही त्यांनी केला. ताज्या आकडेवारीनुसार, एकूण ५८ हिंदू संघटनांच्या कार्यकत्यांवर कारवाई करण्यात आली आहे.