रिया चक्रवर्ती पुन्हा एकदा 'ईडी'च्या दारी!

सुशांत सिंह राजपूतच्या बँक खात्यातून १५ कोटी रुपयांच्या गैरव्यवहार प्रकरणी ईडीने ३१ जुलै रोजी रियासह ६ जणांविरूद्ध गुन्हा दाखल केला होता. सुरुवातीला रियाने तपासात सहकार्य केले नाही. कधी ती आजारपणाचे कारण सांगत होती, तर एका प्रश्नाच्या उत्तरात आता काहीच आठवत नाही, असे ती म्हणाली होती. सुशांतच्या खात्यातून पैसे काढल्याचा आरोप खोटा असल्याचे तिने म्हटले आहे. रियाच्या म्हणण्यानुसार, तिने ७ चित्रपट केले आणि त्यातून तिने पैसे कमावले आहेत. आज सुशांतचा रूममेट सिद्धार्थ पिठानी यालादेखील चौकशीसाठी समन बजावण्यात आले आहे. सिद्धार्थ सध्या हैदराबादमध्ये असल्याची माहिती समोर येत आहे.