विदर्भकन्या मोना मेश्राम

 

२०१३मध्ये आयसीसी विश्वचषक स्पर्धेसाठी भारतीय संघात तिचा समावेश करण्यात आला. मात्र, कामगिरी चांगली न झाल्यामुळे तिला भारतीय संघातील स्थान गमवावे लागले. त्यानंतर मोनाने क्रिकेटपासून फारकत घेण्याचा निर्णयही घेतला होता. मात्र, सर्व अपयशांवर मात करण्याचा निर्धार करत, प्रथम श्रेणी क्रिकेटमध्ये मोनाने चांगली कामगिरी केली. प्रथम श्रेणी क्रिकेटमध्ये रेल्वेचे प्रतिनिधित्व करणार्‍या मोनाने विदर्भाकडून खेळण्याचा निर्णय घेतला आणि या निर्णयाने पुन्हा एकदा तिला विश्वचषकासाठी भारतीय संघात स्थान मिळवून दिले. पुढे आयसीसी २०१७ विश्वचषक स्पर्धेत चांगली कामगिरी करत संघातील आपले स्थान कायम राखले. यादरम्यान, प्रशिक्षक सचिन अरोठे यांच्या मार्गदर्शनाचा तिला चांगलाच फायदा झाला. अशा या विदर्भकन्येला उज्ज्वल भविष्यासाठी दै. ‘मुंबई तरुण भारत’कडून शुभेच्छा...