कन्हैय्या कुमार पोलिसांच्या ताब्यात

बेतिया : पश्चिम चंपारण जिल्ह्यातून सीएए, एनआरसी आणि एनपीआरविरूद्ध निदर्शने सुरू करण्यासाठी आलेल्या जेएनयू विद्यार्थी संघटनेचे माजी अध्यक्ष कन्हैया कुमार याला पोलिसांनी ताब्यात घेतले आहे. कन्हैयाची सभा बेतियातील गांधी मैदानावर होणार होती, परंतु कायदा व सुव्यवस्था पाहता प्रशासनाने या सभेस परवानगी नाकारली होती. याचा निषेध म्हणून कन्हैया महात्मा गांधी स्मारकाबाहेर धरणे आंदोलनास बसला तेव्हा पोलिसांनी त्यांना ताब्यात घेतले. कन्हैयाच्या अटकेने कार्यकर्ते संतप्त झाले आणि गांधी आश्रमाबाहेर गोंधळ उडाला.