संजय भंडारी आणि रॉबर्ट वढेरा यांच्यातच आर्थिक संबंध आहेत असे आतापर्यंत मानले जात होते, पण या सगळ्या व्यवहारात राहुल आणि प्रियांका यांचाही थेट सहभाग असल्याचे पुरावे मिळाले आहेत, याकडे इराणी यांनी लक्ष वेधले. “संरक्षण व्यवहारातील संजय भंडारीसारख्या दलालांशी काय संबंध आहेत, ते राहुल गांधी यांनी स्पष्ट केले पाहिजे,” अशी मागणी करत स्मृती इराणी म्हणाल्या की, “संरक्षण व्यवहारातील दलालांशी असलेल्या संबंधांमुळेच राहुल गांधी संरक्षण व्यवहारात फार जास्त रस घेतल्याचा आम्हाला संशय आहे.” राजकीय कारणांमुळे नाही, तर आर्थिक व्यवहारांमुळे राहुल गांधी संरक्षण व्यवहारात जरूरीपेक्षा जास्त रुची घेत असल्याचा आरोप इराणी यांनी यावेळी केला.