आता 'या' तारखेआधी करा आधार-पॅन लिंक

31-Dec-2019

Total Views | 45

नवी दिल्ली : जर तुम्ही आधारकार्ड बरोबर पॅन लिंक केले नसेल तर घाबरून जाण्याची गरज नाही. केंद्रीय अर्थ मंत्रालयाने आधार पॅन कार्ड लिंक करण्यासाठी मुदतवाढ दिली आहे. आता ३१ मार्च २०२० पर्यंत नागरिकांना आधार कार्ड आणि पॅन लिंक करता येणार आहे. ३१ डिसेंबर २०१९ यासाठी शेवटची तारीख होती. ती आता वाढवण्यात आली आहे.

The due date for linking of PAN with Aadhaar as specified under sub-section 2 of Section 139AA of the Income-tax Act,1961 has been extended from 31st December, 2019 to 31st March, 2020.
Notification no.107 of 2019 dated 30/12/2019 issued by CBDT.
— Income Tax India (@IncomeTaxIndia) December 30, 2019

केंद्रीय अर्थ मंत्रालयाने आत्तापर्यंत आठ वेळा आधार पॅनकार्ड लिंक करण्याची मुदत वाढवली आहे. यासंबधीची माहिती कर विभागाने ट्विटरद्वारे दिली आहे. मागील वर्षी सप्टेंबर महिन्यात सर्वोच्च न्यायालयाने आधार कार्ड योजना संवैधानिक दृष्ट्या वैध असल्याचा निर्णय दिला होता. आधार बायोमॅट्रिक आयडी प्राप्तिकर भरताना आणि पॅनकार्ड देताना अनिवार्य असल्याचा निर्णय दिला होता.