हुकमतीचे फटकारे

    22-Nov-2019
Total Views | 49




'हुकमतीचे फटकारे' अर्थातच रंगाच्या ब्रशचे! सोफिया महाविद्यालयामधील ३३ वर्षांच्या कलाध्यापनाच्या प्रदीर्घ अनुभवानंतर प्राध्यापक आणि रेखांकनकार अर्थात चित्रकार गणेश तायडे यांच्या कलाकृतींचे प्रदर्शन जहांगिर कलादालनाच्या तिसर्‍या विभागात सुरू आहे.

 

तायडे सरांचा आणि माझा तसा जुना परिचय. कुठल्याही प्रकारचा दिखावा नाही, कुठल्याही प्रकारचा अतिगंड नाही, सादरीकरण म्हणजे मिरविणे असे काहीच नाही. मात्र, रंगांच्या फटकार्‍यांतून कलाकाराच्या 'मनगटातील धमक' आणि कुंचल्याच्या लेपन कौशल्यावरील हुकमत बघणार्‍याला थक्क करून सोडते! विनम्रता किती असावी या माणसात! म्हणतात, “माझ्या आयुष्याला दिशा दाखविण्यासाठी कलाध्यापनातील ३३ वर्षांचा अनुभव म्हणजे माझा कलागुरू आहे. या अनुभवानेच माझे करिअर घडलेले असून माझं जे काम या दालनात प्रदर्शित झालेले आहे, ते मला व्यक्त करावे वाटले, ज्याने मला घडवलं.” फारच संयमित आणि प्रांजळपणे चित्रकार गणेश तायडे यांनी व्यक्त केलेलं हे मत आहे.

 




 

त्यांच्या कलाकृती पाहताना 'माय सिग्नेचर स्ट्रोक' असं जे ते म्हणतात ते अगदी तंतोतंत पटतं. रंगलेपनातील त्यांनी शोधलेलं हे तंत्र पाहणार्‍याला निश्चितच आनंददायक वाटतं. अ‍ॅक्रॅलिक फ्रेश रंगाच्या कॅन्व्हासवर जलरंगी शैलीने केलेला रंगाविष्कार वाखाणण्यासारखा आहे. रेखांकने, 'कटनिब'चा स्वैर तणावरहित सौंदर्याविष्कार, जलरंग, स्केचेस वास्तववादी, कल्पनाविलास रम्य कलाचित्रे अगदी गूढ. परंतु, सौंदर्यकारांच्या लयकारी ब्रश फटकार्‍यांची लकब पाहताना तायडे सरांची हुकमत ध्यानी येते.
 

१९७८ ला सर ज. जी. उपयोजित कला महाविद्यालयातून 'v'ची पदवी मिळवल्यानंतर, कला महाविद्यालयीन कलानुभव, मित्र-परिवाराकडून होणार्‍या कलासंवादातील प्राप्त ऊर्जा-उत्साह हाच तायडे यांच्या कलाकृतीमागील एक सुप्त आरसा आहे. सोफिया पॉलिटेक्निक समूहाच्या 'आर्ट अ‍ॅण्ड डिझाईन' विभागात मुंबईच्या पेडर रोडवरील कला महाविद्यालयात त्यांनी कलाध्यापन केले. विद्यार्थ्यांमधील सुप्त कलागुण शोधता शोधता कलाध्यापन करणार्‍या मोजक्याच कलाध्यापकांमध्ये प्रा. गणेश तायडे यांचे नाव अनुक्रमाने घ्यायला हवे. दि. १९ नोव्हेंबर ते २५ नोव्हेंबरच्या सप्ताहात त्यांचा प्रदीर्घ कलाप्रवास पाहण्याची संधी कलारसिकांना जहांगिर कलादालनाच्या तिसर्‍या गॅलरीत उपलब्ध आहे. कलारसिकांनी याचा लाभ घ्यावा, असेच हे प्रदर्शन म्हणावे लागेल.

 

- प्रा. गजानन शेपाळ

अग्रलेख
जरुर वाचा
भारताची नारीशक्ती! जगातील सर्वात उंच रेल्वे पूल उभारणाऱ्या माधवी लता; १७ वर्षांच्या मेहनतीने करुन दाखवलं अशक्यही शक्य!

भारताची नारीशक्ती! जगातील सर्वात उंच रेल्वे पूल उभारणाऱ्या माधवी लता; १७ वर्षांच्या मेहनतीने करुन दाखवलं अशक्यही शक्य!

(G Madhavi Latha) जगातील सर्वात उंच चिनाब रेल्वे पूलाचे उद्घाटन पंतप्रधान नरेंद्र मोदी यांच्या हस्ते शुक्रवारी ६ जून रोजी करण्यात आले. या पूलाच्या बांधकामाने भारतीय अभियांत्रिकी क्षेत्रात एक महत्त्वाचा टप्पा गाठला आहे. इंडियन इन्स्टिट्यूट ऑफ सायन्स बंगळुरूच्या एका प्राध्यापिकेने या पूलाच्या बांधकाम प्रकल्पासाठी गेली १७ वर्षे स्वतःला वाहून घेतले. आयआयएससी सिव्हिल इंजिनिअरिंग विभागातील रॉक इंजिनिअरिंग तज्ज्ञ जी. माधवी लता यांनी चिनाब पूलाच्या बांधकामात महत्त्वाची भूमिका बजावली...

माँ भारतीच्या मुकूटमणी काश्मीरात मोदींनी फडकवला तिरंगा! जगातील सर्वात उंच पूलाचे केले राष्ट्रार्पण

माँ भारतीच्या मुकूटमणी काश्मीरात मोदींनी फडकवला तिरंगा! जगातील सर्वात उंच पूलाचे केले राष्ट्रार्पण

पंतप्रधान नरेंद्र मोदी यांनी आज जम्मू-काश्मीरमधील कटरा येथे 46,000 कोटी रुपयांहून अधिक किंमतीच्या विविध विकास प्रकल्पांची पायाभरणी, उद्घाटन आणि लोकार्पण केले. शूर वीर जोरावर सिंग यांच्या भूमीला अभिवादन करताना ते म्हणाले की आजचा कार्यक्रम हा भारताची एकता आणि दृढनिश्चयाचा भव्य उत्सव आहे. माता वैष्णो देवीच्या आशीर्वादाने, काश्मीर खोरे आता भारताच्या विशाल रेल्वे नेटवर्कशी जोडले गेले आहे, असे मोदी म्हणाले. “आपण नेहमीच काश्मीर ते कन्याकुमारी, असे भारत मातेचे वर्णन केले आहे, आपल्या रेल्वे नेटवर्कमध्येही हे वास्तव ..

Email

admin@mahamtb.com

Phone

+91 22 2416 3121