सद्धिविनायक युवा संस्थेने क्रीडा प्रशिक्षण व व्यक्तिमत्व विकास शिबिर संपन्न

टिटवाळा, सिद्धिविनायक युवा संस्थेच्यावतीने क्रीडा प्रशिक्षण व व्यक्तिमत्व विकास शिबिराचे आयोजन करण्यात आले होते . सध्याच्या युगात मोबाईल आणि टिव्ही च्या अतोनात वापरामुळे मुले मैदानी खेळांपासून लांब जात आहेत. त्याच प्रमाणे पूर्वी मोठ्या प्रमाणात खेळले जाणारे पारंपारिक खेळ लगोरी, विटी दांडु, गोट्या, लपाछपी, खो-खो व इतर मनोरंजनात्मक खेळ ह्या काळाच्या ओघात लुप्त होत असताना त्याची ओळख व वेगळेपण मुलांना कळावे या हेतुने सिद्धिविनायक युवा संस्था, टिटवाळा आयोजित ६ वे उन्हाळी साहसी क्रीडा प्रशिक्षण शिबिर २०१८ आयोजित करण्यात आले होते .

हे कुमारवयीन मुला-मुलींना साहसी खेळांचे अनुभव घेण्यासोबतच व्यक्तिमत्व विकास योग्य रीतीने होण्याची संधी देण्यासाठी व सुट्टीची धम्माल करण्याकरीता काही नवीन अनुभव, नवीन ज्ञान मिळवण्यासाठी, नवीन खेळ व त्यासोबतच खेळातील नवीन तंत्र कौशल्ये आत्मसात करण्यासाठी तसेच लुप्त होणार्‍या पारंपारिक खेळ आधुनिक मुलांच्या मनात रुजविण्यासाठी विश्वासराव फार्म हाऊस, मानीवली येथील निसर्गसंपन्न परिसरात दिनांक २१ ते २३ मे २०१८रोजी ३ दिवसीय निवासी क्रीडा प्रशिक्षण शिबीर आयोजित करण्यात आले होते.