ही कामे आजच उरकून घ्या

मुंबई : १ डिसेंबरपासून बॅंकींग आणि पेन्शनच्या नियमांमध्ये महत्वाचे बदल होत आहेत. त्यामुळे अजूनही ही कामे केली नसेल तर आजच उरकून घ्या. जाणून घेऊयात अन्य काही बदल...

पेन्शनधारकांना जीवन प्रमाणपत्र बंधनकारक

विशेषतः पेन्शन लाभार्थींसाठी हा महत्वाचा नियम आहे. जीवन प्रमाणपत्र सादर करण्याचा आजचा शेवटचा दिवस आहे. तुम्ही हे प्रमाणपत्र आजच जमा केले नाही तर तुमच्या खात्यात पेन्शन येणे बंद होईल.

 

केंद्रीय पेन्शनधारकांना कर्जासाठी प्रक्रिया शुल्क

तुमचे खाते जर बॅंक ऑफ इंडियामध्ये असेल आणि तुम्ही कर्ज घेण्यासाठी इच्छुक असाल तर उद्यापासून प्रोसेसिंग फी लागू होणार आहे. दोन महिन्यांपूर्वी केंद्र सरकारी कर्मचाऱ्यांना बॅंकेने कर्ज देताना लागणारी प्रोसेसिंग फी माफ केली होती. मात्र, उद्यापासून ही सुविधा बंद करण्यात येईल.

 

एसबीआय बडी अॅप बंद

उद्यापासून एसबीआयचे बडी (SBI Buddy) वॉलेटही बंद केले जाणार आहे. तुमच्या बडी खात्यातील पैसे त्वरित काढून घ्या. २०१५मध्ये एसबीआयने बडी अॅप लॉन्च केले होते. परंतु, बॅंकेने नुकतेच योनो अॅप सेवेत आणले आहे.

 

ड्रोन उडवण्यासाठी नोंदणी शुल्क

१ डिसेंबरपासून परवाना काढून ड्रोन उडवू शकता. केंद्रीय नागरी उड्डाण मंत्रालयाने यासाठी एक धोरण जाहीर केले होते. त्यानुसार तुम्हाला नोंदणी करून युआयडी क्रमांक दिला जाईल. त्यासाठी एक हजार रुपये शुल्क आकारण्यात येईल. मोठ्या ड्रोनसाठी वेगळा परवाना घ्यावा लागणार असून त्यासाठी पाच वर्षांचे शुल्क २५ हजार रुपये करण्यात येणार आहे.

 

पूर्वी पॅनकार्डवर वडिलांचे नाव आवश्यक होते. मात्र, पॅनकार्डवर आता वडिलांचे नाव लावणे आवश्यक असणार नाही. कार्डावर तुम्ही आईचे नावही लाऊ शकता.

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/