भारतीय सिनेसृष्टीला 'गुलजार' करणारी गाणी..

गुलजार.... हे नाव ऐकता क्षणीच आपण एका वेगळ्या दुनियेत जातो, एका वेगळ्या भावविश्वात. जिथे केवळ भावना असतात, आणि त्या भावनांना तितक्याच तीव्रतेने व्यक्त करणारे शब्द. हे सगळं आज मी संगतेय कारण आज प्रसिद्ध गीतकार, लेखक गुलजार यांचा वाढदिवस. भारतीय सिनेसृष्टीतील एक महत्वाचं, मोठं आणि चिरतरुण असणारे नाव म्हणजेच गुलजार..

गुलजार यांचे खरे नाव आहे, संपूर्ण सिंह कालरा. मात्र त्यांना या नावाने कुणीच ओळखत नाही. कारण भारतीय सिनेसष्टीला जो शायर, लेखक आणि कवी मिळाला आहे त्याने या सिनेसृष्टीला खऱ्या अर्थाने 'गुलजार' केले आहे. आणि म्हणजूनच त्यांचे नाव आहे.. गुलजार..
१८ ऑगस्ट १९३४ ला त्यांचा जन्म आताच्या पाकिस्तान येथे झाला, मात्र फाळणीनंतर ते भारतात आले आणि इथलेच झाले. त्यांची कारकीर्द सुरु झाली ती एस.डी. बर्मन यांच्यासोबत. त्यानंतर त्यांनी कधीच मागे वळून बघितले नाही. अनेक दिग्गज दिग्दर्शकांसाठी, कलाकारांसाठी त्यांनी लेखन केले आहे.

आज त्यांचा ८३ वा वाढदिवस. त्यांचे नाव ऐकले की माझ्या कानात आपोआप काही गाणी वाजायला लागतात... (अरे खरंच...) आणि आज त्यांच्या वाढदिवसाच्या या खास दिवशी त्यांची हीच खास गाणी मला तुमच्या सोबत शेअर करायची आहेत..

चला आज गुलजार यांच्या वाढदिवसानिमित्त या खास गाण्यांचा आस्वाद घेवूयात..

१. तुझसे नाराज नहीं जिंदगी...

हे गाणं आलं तेव्हा माझा जन्मही झाला नव्हता, त्याच्या ३० वर्षांनंतर वगैरे मी या जगात आले, मात्र पहिल्यांदा हे गाणं ऐकलं आणि ते माझ्या आवडीचंच झालं. त्याचं मुख्य कारण म्हणजे, त्यातील शब्द. "जीने के लिए सोचा ही नहीं दर्द संभालने होंगे, मुस्कुराएँ तो मुस्कुराने के कर्ज उतारने होंगे.." जसे जसे आपण मोठे होतो, तसे तसे हे शब्द कित्ती खरे वाटायला लागतात नाही. १९६० मध्ये आलेल्या मासूम चित्रपटातील हे गाणं देखील तितकंच मासूम (निरागस) आहे.. अगदी आपलं आहे...