अखेर सीतारामन यांनी चीनी सैनिकांना 'नमस्ते' शिकवलेच..

जणून आश्चर्य वाटेल मात्र निर्मला सीतारामन यांनी चीनच्या सैनिकांना नमस्ते हा शब्द शिकवला, आणि केवळ शिकवलाच नाही तर त्यांना तो म्हणायलाही लावला. त्यांनी विचारले देखील 'तुम्हाला माहीत आहे नमस्ते म्हणजे काय?' यावेळी त्यांनी नमस्ते या शब्दाचा अर्थ चीनी सैनिकांना सांगितला. तसेच त्यांना देखील नमस्ते म्हणायला सांगितले.

भारतीय संस्कृतीत 'नमस्ते' किंवा 'नमस्कार' ही केवळ भेटताना अभिवादन करण्याची एक पद्धत नाहीये, तर ते संस्कार आहेत. दोन्ही हात जोडून अतिथी समोर हल्केच वाकून त्यांना नमस्ते म्हणणे हे आपल्या संस्कृतीचे प्रतीक आहे. आपली संस्कृती आपली मूल्ये चीनी सैनिकांपर्यंत इतक्या सौम्य भाषेत पोहोचवण्याचे काम केवळ सीतारामनच करु शकल्या असत्या. 

यामागे कौतुक का? तर भारत-आणि चीन यांच्यात वाद सुरु असताना देखील सीमेवर जावून आपल्या संस्कृती विषयी चीनी सैनिकांना सांगणे, आपल्या संस्कृतीविषयी ठाम राहणे, आणि त्यांना देखील त्याचा एक भाग करुन घेणे हे कारण आहे. यावेळी निर्मला सीतारामन यांच्या चेहऱ्यावरील आत्मविश्वास खूप काही बोलून जातो.. त्यांच्या या 'नमस्ते' मधून "तुम्ही कितीही काहीही केले तरी भारत आपली भूमिका सोडणार नाही, भारत आपल्या संस्कृती विषयी आपल्या मूल्यांविषयी ठाम आहे, आणि त्यासोबत कुठलीही तडजोड केली जाणार नाही. असा संदेश जातो. तसेच त्यांना देखील नमस्ते म्हणायला सांगण्यातूनही भारताचा भारदस्तपणा सौम्य भाषेतून प्रतीत झाला.