असमर्थांघरचे श्वान

अपेक्षेप्रमाणेच हे ट्विट व्हायरल झाले. कारण खेळ करून दाखवणारा हुशार, गोंडस कुत्रा बघायला कुणाला आवडणार नाही? पण ह्या ट्विटवर पक्षाच्या पदाधिकाऱ्यांच्या ज्या प्रतिक्रिया होत्या त्या केवळ हास्यास्पद नव्हे, तर भीतीदायक होत्या. संजय झा, प्रियांका चतुर्वेदी, पक्षाचा सोशल मीडियावरचा प्रसार सांभाळणारी दिव्या स्पंदना ह्यांच्यासकट भल्याभल्यांनी ह्या ट्विटची खूप भलावण केली. ती भलावण इतकी हास्यास्पद होती की पिडीला देखील हसू आले असते.

हेमंत बिस्वा सरमा हे आसाममधले एकेकाळचे काँग्रेसचे आघाडीचे नेते. त्यांनी आसामच्या निवडणुकीपूर्वी पक्षत्याग करून भारतीय जनता पक्षात प्रवेश केला आणि ते आज आसामचे उपमुख्यमंत्री आहेत. त्यांनी आपण काँग्रेसचा त्याग का केला हे सांगताना पूर्वी एका मुलाखतीत म्हटले होते की जेव्हा ते आसामच्या समस्या सांगायला म्हणून राहुल गांधींना भेटायला गेले होते तेव्हा राहुल गांधींनी त्यांच्याकडे लक्षही दिले नाही. त्या भेटीत हेमंत बिस्व सरमा पोटतिडीकेने आसामच्या प्रश्नांबद्दलबोलत होते आणि राहुल मात्र पूर्णवेळ पीडीशी खेळत त्याला बिस्किटे भरवत होते. त्या प्रसंगाची आठवण करून देत हेमंत बिस्वा सरमा ह्यांनी काल ट्विट केले की 'पीडी किती हुशार आहे हे माझ्याहून चांगले कोण समजू शकेल? मी राहुलना आसामच्या समस्या सांगत होतो तेव्हा ते माझ्याकडे लक्षही न देता पिडीशी खेळत होते.' ते ट्विटही व्हायरल झाले. बहुधा हेमंत बिस्वा सरमांचे हे प्रत्युत्तर काँग्रेसला चांगलेच झोम्बले असावे कारण लगेचच काँग्रेसच्या प्रवक्त्या प्रियांका चतुर्वेदी ह्यांनी त्यांना उत्तर दिले की 'कुत्र्याचा प्रमुख गुण असतो त्याची स्वामीभक्ती. तुम्ही स्वामीभक्ती पाळली नाहीत, आणि राहुलचा विश्वासघात केला हे तुम्हाला कुठेतरी खटकते का?'