मोलाचा संदेश देणाऱ्या या सुंदर जाहीराती नक्की बघा

कधी कधी ना काही जाहीराती अशा असतात ज्या फक्त आपली वस्तु विकली जावी यासाठी नाही बनविल्या जात, तर ती वस्तु विकत असताना एक सुंदर संदेश देखील लोकांना जावा यासाठी ही त्या जाहीरातींचा निर्माण केला जातो. असं म्हणतात ग्राहकांच्या मनापर्यंत तुम्ही पोचलात तर तुमची वस्तु ही विकली गेलीच समजा. मात्र ते करण्यासाठी खूप अभ्यास आणि संवेदना या दोन्ही गोष्टी लागतात. गेल्या काही काळात अशाच काही सुंदर संदेश देणाऱ्या, जनतेच्या मनाला भिडणाऱ्या आणि हळुच डोळ्यात पाणी आणणाऱ्या काही जाहीराती प्रसिद्ध झाल्या आहेत. बघूया या सुंदर जाहीराती....

१. डाबर वाटिका ब्रेव्ह अॅण्ड ब्यूटिफुल :

प्रत्येका मुलीसाठी, महिलेसाठी तिचे केस खूप महत्वाचे असतात. तिच्या सुंदरतेचे ते प्रतीक मानले जातात. मात्र एखाद्या आजारामुळे सगळे केस गेलेत तर? ती महिला सुंदर नाही? याच विषयावर डाबर वाटिकाने दोन वर्षांआधी प्रसिद्ध केलेली ही जाहीरात. काही लोकांना सुंदर दिसण्यासाठी केसांची आवश्यकता नसते असं सांगणारी ही जाहीरात आहे. खरं तर केसांसाठी वापरल्या जाणाऱ्या तेलाची जाहीरात कशी असावी? केस कसे वाढतील हे सांगणारी हो ना? मात्र त्याच्या उलट संदेश देणारी ही जाहीरात असल्याने जास्त गाजली. सुंदर आणि मनाला भिडणारी अशी ही जाहीरात आहे.