नालासोपार्यात जिहाद्यांकडून पाकिस्तानचे समर्थन

 

 

मुंबई (Kirit Somaiya): नालासोपार्यात जिहाद्यांकडून पाकिस्तानचे समर्थन केले जात असल्याची धक्कादायक माहिती समोर आली आहे. काश्मीरच्या पहलगाममधील दहशतवादी हल्ल्याचा निषेध नोंदवणार्या हिंदूंना या देशद्रोही गुंडांनी अडवत धमक्या दिल्या. तसेच, पाकिस्तानचा झेंडा निदर्शकांकडून खेचून घेण्यात आला.

 

याविषयी माहिती देताना भाजप नेते माजी खा. किरीट सोमय्या म्हणाले की, “मी शुक्रवार, दि. २५ एप्रिल रोजी या परिसराचा दौरा केला. स्थानिक नागरिकांनी मला सांगितले की, ऑरेंज हाईटस (नालासोपारा प.) सोसायटीच्या आवारात खुलेआम नमाजपठन केले जाते. परंतु, हिंदूंना आरती करण्यास बंदी घालण्यात आली आहे.

 

त्यामुळे अधिक माहिती जाणून घेण्यासाठी मी सोसायटीमध्ये जात असताना, नालासोपारा पोलीस ठाण्याचे वरिष्ठ पोलीस निरीक्षक विकास वळवी यांनी मला थांबवले. मी आक्षेप घेतल्यानंतर त्यांनी फक्त दोघांना जाऊ देईन, असे उद्धटपणाचे उत्तर दिले आणि अधिकाराचा दुरुपयोग केला.”

 

“ऑरेंज हाइटस या इमारतीत सहा विंग आहेत. तेथील काही मुस्लीमधर्मियांनी एकत्र येत अनधिकृत मशिद बांधली, भोंगे लावले. मी यावर तीव्र आक्षेप घेतल्यानंतर पोलिसांनी आता हे भोंगे काढले. पहलगाम घटनेचा निषेध करणार्या लोकांना येथील गुंडांनी, देशद्रोह्यांनी अडवले आणि धमक्या दिल्या. पाकिस्तानचा झेंडा निदर्शकाकडून खेचून घेण्याचा प्रयत्न केला. त्याविरोधातही पोलिसांनी कोणतीही कारवाई केली नाही. या देशद्रोह्यांना तत्काळ अटक करून देशद्रोहाचा गुन्हा दाखल झालाच पाहिजे,” अशी मागणी भाजप नेते किरीट सोमय्या यांनी केली आहे.