कॅालर पकडली, शर्ट फाडलं, गाडीवर चढल्या... काँग्रेस आमदार इंदिरा मीणा यांची भाजप नेत्याला मारहाण; हाणामारीचा व्हिडिओ सोशल मीडियावर व्हायरल!

 

जयपूर : (Congress MLA Indira Meena Assaults BJP Leader) राजस्थानच्या सवाई माधोपूर जिल्ह्यात रविवारी १३ एप्रिलच्या रात्री राजकीय वादाला शारीरिक हिंसेचे स्वरुप मिळाल्याची घटना घडली आहे. काँग्रेस आमदार इंदिरा मीणा यांनी भाजप पदाधिकारी हनुमान दीक्षित यांच्या कानशिलात मारली. त्यांच्या गाडीवर चढले आणि जोरदार बाचाबाचीदरम्यान त्यांचे कपडे फाडले. व्हिडिओमध्ये कैद झालेले हे नाट्यमय दृश्य सोशल मीडियावर व्हायरल झाल्यामुळे जनतेत संतापाची लाट उसळली.

 

 

दोन वर्षांपूर्वी बाउनली येथे भारतरत्न डॉ. भीमराव आंबेडकर यांच्या पुतळ्याचे अनावरण करण्यात आले होते. त्याच वेळी, सार्वजनिक बांधकाम विभागाकडून येथे एक चौकही बांधण्यात येत होता. त्यानंतर बामनवासच्या आमदार इंदिरा मीणा यांनी त्याची पायाभरणी केली. त्यावेळी त्यांच्यासोबत या फलकावर तत्कालीन मुख्यमंत्री अशोक गेहलोत यांचे नावही होते. आता, पुतळ्याच्या अगदी खाली, आमदार इंदिरा मीणा आणि नगरपरिषदेच्या अध्यक्षा कमलेश देवी जोशी यांच्या नावाचे फलक सर्वत्र लावले जाणार होते. रविवारी आमदार इंदिरा मीणा यांचे लोक फलक लावण्यासाठी घटनास्थळी पोहोचले. त्याच वेळी, प्रधान कृष्ण पोसवाल, भाजप मंडल अध्यक्ष हनुमान दीक्षित यांच्यासह अनेक भाजप नेत्यांनी इंदिरा मीणा यांच्या नावाचा फलक लावण्यास आक्षेप व्यक्त केला. फलक काढून टाकण्यात आला. यानंतर वातावरण आणखी चिघळले.

 

 

 

रात्री १२ वाजता इंदिरा मीणा यांना बातमी मिळाली की डॉ. भीमराव आंबेडकरांच्या पुतळ्यावरून त्यांच्या नावाचा फलक काढून टाकण्यात आला आहे. ही माहिती मिळताच त्या घटनास्थळी पोहोचल्या आणि गोंधळ उडाला. त्या भाजप मंडल अध्यक्ष हनुमान दीक्षित यांच्यावर संतापल्या. त्यांची गाडी अडवली आणि गाडीच्या फूटरेस्टवर चढल्या. त्याने हनुमान दीक्षित यांची कॉलर पकडली, कपडे फाडले आणि त्यांच्या कानशिलातही मारली. परिस्थिती नियंत्रणात आणण्यासाठी पोलिस आणि वरिष्ठ अधिकाऱ्यांनी घटनास्थळी धाव घेतली आणि दोन्ही पक्षांची समजूत काढली.