"...त्याची भूमिका फार महत्त्वाची नव्हती"; २६/११ हल्लेप्रकरणी तहव्वूर राणाला काँग्रेसकडून क्लीनचीट देण्याचा प्रयत्न?

 

नवी दिल्ली : (Udit Raj Reaction on Tahawwur Rana) २६/११ च्या मुंबई हल्ल्यातील प्रमुख आरोपी तहव्वूर राणा याच्या प्रत्यार्पणावर काँग्रेस नेते उदित राज यांनी शंका व्यक्त केली आहे, त्याला 'खेळ' असे संबोधले आहे आणि त्याच्या हल्ल्यातील सहभागाविषयी प्रश्नचिन्ह उपस्थित करणारे विधान केले आहे.

 

 

मुंबई २६/११ हल्ल्याचा मास्टरमाइंड तहव्वूर राणाला अमेरिकेतून भारतात आणण्यात आले आहे, परंतु काँग्रेस नेते उदित राज यांनी या सगळ्याला 'खेळ' म्हटले आहे. उदित राज म्हणाले की, "२०११ मध्ये यूपीए सरकारने तपासाची फाईल अमेरिकेला सोपवली होती,  तेव्हा मनमोहन सिंग यांचे सरकार होते, त्या फाईलमध्ये मुख्य आरोपी म्हणून हेडलीचे नाव होते. त्यांनी हेडलीला आणले नाही? राणा हा कट रचणारा होता, पण त्याची भूमिका तितकी मोठी नव्हती."