घिबली शैलीचा वाढता प्रभाव: नेटिझन्स आणि नेते-अभिनेते यांनाही भुरळ; घिबली म्हणजे काय? सविस्तर वाचा!

 

 

 

मुंबई : जपानी अ‍ॅनिमेशनमध्ये वेगळीच जादू निर्माण करणारी स्टुडिओ घिबली (Studio Ghibli) ही कंपनी त्यांच्या अनोख्या शैलीसाठी प्रसिद्ध आहे. मऊ, जलरंगसदृश पार्श्वभूमी, सूक्ष्म तपशील असलेल्या दृश्यरचना आणि भावनिकदृष्ट्या गुंतवून ठेवणाऱ्या गोष्टींमुळे ही शैली जगभर लोकप्रिय झाली आहे. माय नेबर टोटोरो (My Neighbor Totoro), स्पिरीटेड अवे (Spirited Away), प्रिन्सेस मोनोके (Princess Mononoke) यांसारख्या चित्रपटांमुळे घिबली (Ghibli) अ‍ॅनिमेशनला एक वेगळाच दर्जा मिळाला.

 

स्टुडिओच्या संस्थापकांपैकी एक, हायाओ मियाझाकी यांनी हे नाव इटालियन भाषेतून घेतले आहे. 'घिबली' (Ghibli) म्हणजे सहाराच्या वाळवंटातील गरम वारा, जो नवीन बदल घेऊन येतो. त्यांना त्यांच्या अ‍ॅनिमेशन फिल्म्समधूनही असाच नवा विचार आणि सौंदर्याचा स्पर्श आणायचा होता.

 

गेल्या काही वर्षांत सोशल मीडियावर घिबली स्टाईलच्या अ‍ॅनिमेशन, चित्रे आणि इतर कलाकृतींची मोठ्या प्रमाणावर चलती दिसून येते. त्यामागील काही महत्त्वाची कारणे अशी आहेत:

नॉस्टॅल्जिया आणि भावनिक जोड: Ghibli चित्रपटांमध्ये हळुवारपणा, स्वप्नवत दृश्ये आणि भावनिक कथा असतात. लोकांना त्यातून एक प्रकारचा आनंद मिळतो.

 

एस्थेटिक आकर्षण: जलरंगासारख्या पोत असलेल्या पार्श्वभूमी, प्रकाश आणि निसर्ग यांचे सुंदर मिश्रण ही शैली वेगळी ठरवते.

 

सोशल मीडियावर ट्रेंडिंग: इन्स्टाग्राम (Instagram), पिन्टरेस्ट (Pinterest) यांसारख्या प्लॅटफॉर्मवर (Ghibli) घिबली स्टाईलच्या अ‍ॅनिमेशन आणि फिल्टर्स व्हायरल होत आहेत. अनेक कलाकार, ग्राफिक डिझायनर्स आणि फॅशन डिझायनर्सही या शैलीकडे आकर्षित होत आहेत.

 

 

आजकाल अनेक सेलिब्रिटी, इन्फ्लुएंसर्स आणि कलाकार Ghibli शैलीतले फोटो, व्हिडीओ तयार करताना दिसतात. काही जण या स्टाईलचे फॅन असल्याने तर काही जण सोशल मीडियावर व्हायरल होण्यासाठी हा ट्रेंड फॉलो करत आहेत. काही अभिनेत्यांनी आपल्या सोशल मीडिया प्रोफाईलवर Ghibli इन्स्पायर्ड पोस्ट्स शेअर केल्या आहेत.

फॅशन आणि कला क्षेत्रातील प्रभाव: Ghibli अ‍ॅनिमेशनच्या रंगसंगतीवर आधारित कपडे, वॉलपेपर आणि डिजिटल आर्ट मोठ्या प्रमाणावर लोकप्रिय होत आहेत.

 

AI आणि Ghibli शैली: अनेक AI टूल्स आता फोटो Ghibli स्टाईलमध्ये कन्व्हर्ट करण्यासाठी वापरले जात आहेत, त्यामुळे हा ट्रेंड आणखी जोर धरत आहे.

नेटिझन्सही या ट्रेंडच्या लाटेत: अनेक सोशल मीडिया युजर्स आपले फोटो Ghibli स्टाईलमध्ये बदलून पोस्ट करत आहेत. AI टूल्स वापरून स्वतःला Ghibli अ‍ॅनिमेशनमध्ये बदलण्याची क्रेझ वाढत आहे.

 

 

Ghibli शैली फक्त जपानी अ‍ॅनिमेशनपुरती मर्यादित राहिलेली नाही. ती आता कला, फॅशन, सोशल मीडिया आणि इतर क्षेत्रांमध्येही स्वतःचा ठसा उमटवत आहे. त्यामुळे हा ट्रेंड काही काळासाठी नाही, तर भविष्यातही त्याचा प्रभाव टिकून राहणार, असे दिसते.