मुंबईत ‘आयकॉनिक इमारती’ उभारण्यासाठी नवीन धोरण

 

 

 

मुंबईच्या सौंदर्यीकरणामध्ये भर घालतानाच पर्यटनाला चालना मिळेल, त्याचबरोबर मुंबईची विशिष्ट ओळख निर्माण होण्यास मदत होणार असल्याचे उपमुख्यमंत्र्यांनी यावेळी सांगितले. उपमुख्यमंत्री शिंदे म्हणाले, “जगातील विविध शहरांना त्यातील विशिष्ट प्रकारची नगररचना पद्धती, परिसर, विशिष्ट इमारती यामुळे वेगळी ओळख निर्माण झाल्याचे दिसून येते.

 

मुंबई शहरातदेखील ब्रिटिशांच्या काळातील काही विशिष्ट इमारती असल्याने मुंबईची एक वेगळी ओळख आहे. हा वारसा जतन करणे आवश्यक आहे. त्यामुळे ‘आयकॉनिक इमारती’ उभारण्यासाठी प्रोत्साहन देण्याची आवश्यकता आहे.

 

 

“विशिष्ट प्रकारच्या इमारतींकरिता मुंबईसाठी सध्या लागू असलेल्या विकास नियंत्रण व प्रोत्साहन नियमावलीतील तरतुदींमुळे मर्यादा येत असल्याने अशा वैशिष्ट्यपूर्ण इमारती उभारणे शक्य व्हावे व वास्तुकलेस चालना मिळावी, याकरिता आयकॉनिक इमारतींकरिता नवीन धोरण शासनाने तयार केले आहे. यासाठी मुंबईच्या विकास नियंत्रण व प्रोत्साहन नियमावलीमध्ये स्वतंत्र तरतूद समाविष्ट करण्यासाठी नियमावलीमध्ये आवश्यक सुधारणा करण्याच्या अनुषंगाने ‘महाराष्ट्र प्रादेशिक व नगर रचना अधिनियमा’चे ‘कलम ३७ (१)’ अन्वये सदर नियमावलीमध्ये फेरबदल करण्याबाबत मुंबई महानगरपालिकेला निर्देश देण्यात आहे,” असे उपमुख्यमंत्री शिंदे यांनी यावेळी सांगितले.