अमेरिकेतल्या हमास समर्थक रंजनी श्रीनिवासननं गुंडाळला बोजा बिस्तारा! असं काय घडलं की स्वतःहून परतली भारतात?

अमेरिकेच्या गृह सुरक्षा विभागाने ( Department of Homeland Security - DHS) एक निवेदन जारी करून रंजनी श्रीनिवासनबद्दल माहिती दिली आहे. "रंजनी श्रीनिवासन दहशतवादी संघटनेला पाठिंबा देणाऱ्या कारवायांमध्ये सहभागी होती. ५ मार्च २०२५ रोजी परराष्ट्र विभागाने तिचा व्हिसा रद्द केला होता. ११ मार्च रोजी स्व-निर्वासनासाठी कस्टम्स अँड बॉर्डर प्रोटेक्शन (सीपीबी) एजन्सी अॅप वापरतानाचे व्हिडिओ फुटेज गृह सुरक्षा विभागाने मिळवले आहे," असे निवेदनात म्हटले आहे.

 

रंजनी कोलंबिया विद्यापीठात शहरी नियोजनात डॉक्टरेट करत होती. ती एफ-१ व्हिसावर अमेरिकेत शिक्षण घेत होती. त्याच वेळी, डिपार्टमेंट ऑफ होमलँड सेक्युरिटीजच्या आरोपनुसार, ती दहशतवादी संघटना हमासला पाठिंबा देत होती. रंजनीची शैक्षणिक पार्श्वभूमी खूप चांगली आहे. तिने कोलंबिया विद्यापीठातून शहरी नियोजनात एम.फिल केले. याशिवाय, ती स्कूल ऑफ आर्किटेक्चरमधून पदवीधर आहे. तिने हार्वर्ड विद्यापीठातून पदव्युत्तर पदवी घेतली. यासह CEPT विद्यापीठातून बॅचलर ऑफ डिझाइन कोर्स देखील पूर्ण केला आहे.