आंतरराष्ट्रीय दुबई ‘बोट शो’!

युएईमधील सर्वात प्रतिष्ठित यॉट शो ‘दुबई इंटरनॅशनल बोट शो २०२५’, दि. १९ ते दि. २३ फेब्रुवारी रोजी दरम्यान, दुबई हार्बरवर परत येत आहे. फेब्रुवारी महिन्यात पाच दिवस चालणारा ‘दुबई इंटरनॅशनल बोट शो’, याला ‘डीआयबीएस’ म्हणूनही ओळखले जाते. दरवर्षी ३० हजारांहून अधिक अभ्यागत, दुबई हार्बरच्या पोन्टूनमध्ये एकत्र येतात. जिथे त्यांना लक्झरी चार्टर मार्केटमधील काही यॉट्सना भेट देण्याची आणि काही नवीनतम नवकल्पना जाणून घेण्याची संधी मिळते. यंदाचे वर्ष हे या बोट शोचे ३१वे वर्ष. जागतिक सागरी जीवनशैली सांगणार्‍या या उत्सवात लक्झरी, शाश्वतता आणि अत्याधुनिक नवोपक्रमांचा समावेश असेल. यंदाच्या वर्षी ३० हजारांहून अधिक अभ्यागत, २००हून अधिक नौका आणि जलयानांचे प्रदर्शन याठिकाणी असेल.

गेल्या तीन दशकांहून अधिक काळापासून, ‘दुबई इंटरनॅशनल बोट शो’ जागतिक सागरी उद्योगात आघाडीवर आहे. हा प्रतिष्ठित कार्यक्रम लक्झरी नौका, अत्याधुनिक सागरी तंत्रज्ञान आणि जल क्रीडा यांच्या प्रदर्शनाने प्रेक्षकांना मोहित करत आहे. २०२३-२४ यावर्षी दुबईच्या यॉट पर्यटनात, १२.२८ टक्के वाढ झाली आहे. तर सुपरयाट भेटींमध्ये ११.६९ टक्के वाढ झाली आहे, त्यामुळे हे शहर जगातील सर्वात श्रीमंत व्यक्तींना, आपल्याकडे आकर्षित करत आहे. दुबई बोट फेस्टिव्हल यंदाच्या वर्षी उदयोन्मुख स्टार्टअप्स आणि क्रांतिकारी तंत्रज्ञानावर प्रकाश टाकेल, जे युएईच्या ‘ग्रीन अजेंडा २०३०’ला पाठिंबा देईल. याव्यतिरिक्त, कॅप्टन आणि क्रूसाठी समर्पित, ‘वेलबीईंग लाऊंज लक्झरी’ लक्ष वेधून घेईल. ‘दुबई इंटरनॅशनल बोट शो २०२५’ मध्ये सेलिंग बोट्स, सुपर यॉट्स, फिशिंग बोट्स, स्पोर्ट्स बोट्स आणि स्पीड बोट्सचे आघाडीचे उत्पादक सहभागी होतील. दुबई इंटरनॅशनल बोट शोमध्ये, जगभरातील लक्झरी बोट्स आणि इंटीरियर्सचे डिझाइनर्सदेखील असतील. शिवाय, अभ्यागतांना नेव्हिगेशनल सिस्टीम्सपासून, बोट इंजिनपर्यंत बोट अ‍ॅक्सेसरीज बघायला मिळतील.

जगातील सर्वात मोठ्या आणि सर्वात प्रसिद्ध शिपयार्डना आकर्षित करण्यासाठी ओळखला जाणारा दुबईस्थित कार्यक्रम १६० मीटर पर्यंतच्या सुपरयाट आरामात सामावून घेतोे. म्हणजेच ‘सुपरयाट अव्हेन्यू’ तुम्हाला नक्कीच थक्क करेल. शिपयार्डची सर्व माहिती देण्यासाठी त्यांचे दलाल आणि प्रतिनिधी सर्वजण याठिकाणी असतात. ‘दुबई इंटरनॅशनल बोट शो’मध्ये ‘सुपरयाट’ केंद्रबिंदू असले तरी, लक्ष वेधून घेण्यासारखे इतरही अनेक आकर्षणे याठिकाणी असतात. उदाहरणार्थ, सुपरकार्सच्या प्रदर्शनासह या कार्यक्रमात दरवर्षी, भव्य वेगवान कारची प्रतिष्ठित परेड आयोजित केली जाते. याच ठिकाणी अत्याधुनिक डायव्ह टॅन्क आणि तज्ज्ञांच्या नेतृत्वाखालील चर्चा देखील असतील. निक्की बीच आणि यॉट क्लब एक पॉप-अप लाऊंज आयोजित करणार आहे. त्यामध्ये सूर्यास्त, लाईव्ह डीजे आणि जेवणात आंतरराष्ट्रीय स्वादिष्ट पदार्थ असतील.

‘दुबई इंटरनॅशनल बोट शो २०२५’ वॉटरफ्रंट रिअल इस्टेटवरदेखील प्रकाश टाकेल. मरीना-फ्रंट निवासस्थानांपासून ते एमिरेट्स आयलंडपर्यंत, अबू धाबीमधील जगातील पहिले वेलनेस आयलंड-डॅमॅक, शोभा रिअल्टीसारख्या दिग्गज, आगामी प्रकल्पांचे अनावरण करतील. संभाव्य खरेदीदारांसाठी, नवीनच सुरू केलेला ब्रोकरेज विभाग बर्गेस आणि रॉयल यॉट्ससारख्या आघाडीच्या कंपन्यांशी आपले संबंध सादर करेल. आंतरराष्ट्रीय अभ्यागतांचा वाढता ओघ यामुळे दुबईचे आकर्षण कायम आहे. यूएसए, जर्मनी, इटली, फ्रान्स आणि जीसीसीमधील उपस्थितांसह, उद्योगाला आकर्षित करणारा ‘दुबई इंटरनॅशनल बोट शो’ हा एक शक्तिशाली नेटवर्किंग प्लॅटफॉर्म आहे. तो दुबईच्या लक्झरी, नाविन्यपूर्ण आणि शाश्वत पर्यटनातील नेतृत्वाचा पुरावा आहे.

२०२५ साली होत असलेल्या ‘दुबई इंटरनॅशनल बोट शो’मध्ये, १२०हून अधिक देशांतील विविध उपस्थितांना एकत्र आणले जाईल. प्रदर्शकांना खरेदीदार, वितरक आणि नाविन्यपूर्ण सागरी उपाय शोधणार्‍यांना व्यावसायिकांशी थेट संवाद साधण्याची संधी मिळेल. या प्रदर्शनामुळे व्यवसायांना नवीन बाजारपेठांशी ग्राहकांना संबंध मजबूत करता येतील. इतर कार्यक्रमांप्रमाणे, हा शो प्रदर्शकांना जागतिक स्वारस्याच्या केंद्रस्थानी ठेवेल. यामुळे मजबूत संबंध निर्माण करण्यासाठी, एक आदर्श वातावरण तयार होईल. तसेच व्यवसायांना आंतरराष्ट्रीय संबंध वाढण्यास मदत होईल.