सावरकरांच्या थीमपार्कमुळे भगूरमध्ये विकासाची पहाट....

भगूर येथील बाजारपेठेतील व्यापार प्रगत होण्यास नव्याने चालना मिळणार आहे. भगूर शहरातील रस्ते, पूल व परिसर सुव्यवस्थित होण्यास मदत होणार आहे. विविध प्रकारचे व्यवसाय त्यात हॉटेल इतर अनेक छोटे मोठे उद्योग व्यवसाय वाढीस लागण्यास निश्चित उपयोग होईल, अनेक व्यवसायामुळे शहरातील तरुणांना रोजगार संधी प्राप्त होणार आहे. गावातील शिक्षण, सहकार, बँका आणि पतसंस्था आदी क्षेत्र विकसित होत सर्वांची प्रगती साधणार आहे. शहरातील व परिसरातील बेकारी, अस्वछता, रोगराई नष्ट होईल. भगूर शहर हे महाराष्ट्राच्या इतिहासात प्रेक्षणीय स्थळ म्हणून, देशभक्तीचा संस्कार देणारे ऊर्जा केंद्र बनणार आहे. सावरकरांच्या अष्टपैलू व्यक्तिमत्त्वाचे दर्शन घडविणारे भगूर शहर हे सर्व समाजातील सर्वांना प्रेरणादायी तीर्थक्षेत्र ठरणार आहे.भगूर शहराचा सर्वार्थाने सर्वांगीण विकास साधला जाणार आहे. तसेच, क्रांतिसुर्य सावरकरांच्या या सांस्कृतिक थीमपार्कमुळे भगूरमध्ये विकासाची पहाट होणार असा विश्वास व्यक्त करून स्वातंत्र्यवीर सावरकरांच्या पवित्र स्मृतींना कोटी कोटी प्रणाम करतो.
वंदे मातरम्!