सेवेची सुमनांजली...

२०१९ साली ‘समर्थ भारत मंच’च्या वतीने, ‘बदलत्या भारतात हिंदुत्वाची वाढती जबाबदारी’ या विषयावर पहिले चर्चासत्र आयोजित करण्यात आले होते. दर महिन्याच्या १९ तारखेला विविध विषयांवर वेबिनार्स आयोजित करण्याचा निर्णय त्यांनी घेतला.

कोरोना काळात २०२१ साली ऑनलाईन संस्कृत पाठशाळा घेतली. ऑडिओ बुक्स आणि व्याख्याने यांचा नावीन्यपूर्ण असा ‘ज्ञानगंगा’ नावाचा व्हॉट्सअ‍ॅप समूह साधारण २०२० मध्ये सुरू केला. राष्ट्रीय स्वयंसेवक संघाचे द्वितीय सरसंघचालक गोळवलकर गुरुजी यांच्यावरील मृणालिनीताई जोशी यांनी लेखन केलेले ‘राष्ट्राय स्वाहा!’ या पुस्तकाचे ध्वनिमुद्रण केले. दि. २४ मार्च २०२३ रोजी ‘राष्ट्राय स्वाहा’च्या लोकार्पणाचा पुण्यात भव्यदिव्य सोहळा पार पडला. या ध्वनिमुद्रित पुस्तकाला लाखाहून अधिक श्रोते अल्पावधीतच लाभले. आजवर २५हून अधिक पुस्तके या उपक्रमासाठी ध्वनिमुद्रित केली गेली आहेत. फिजिओथेरपीच्या वैद्यकीय कार्यातून अंजली या आजही निःशुल्क सेवा देत आहेत. ‘समर्थ भारत मंच’च्या रूपातून ‘राष्ट्राय स्वाहा’सारखी संस्कारमूल्ये, राष्ट्रमूल्ये देणारी पुस्तके ध्वनिसंचात आणली. ‘नेत्र दिव्यांगांनी राष्ट्रनिर्मितीसाठी उचललेले एक पाऊल’ असा पण करत तरुण-तरुणींमध्ये राष्ट्रभक्तीची ज्योत पेटवणार्‍या अंजली नारायणे यांना त्यांच्या आगामी वाटचालीसाठी दै. ’मुंबई तरुण भारत’कडून शुभेच्छा...