चार मुलांचा बाप असलेल्या आलमसोबत 'लिव्ह-इन'मध्ये राहायची पूजा; गळा आवळून केली हत्या, मृतदेह फेकला कालव्यात

 

 

लखनौ : गाझियाबादमध्ये मोहम्मद आलमने त्याची लिव्ह-इन पार्टनर पूजाची हत्या करून तिचा मृतदेह कालव्यात फेकून दिल्याची धक्कादायक घटना समोर आली आहे. मोहम्मद आलम आधीच विवाहित होता, त्याला पूजाला सोबत ठेवायचे नव्हते. पोलिसांनी गुन्हा दाखल करून मोहम्मद आलमला अटक केली आहे.

 

मीडिया रिपोर्ट्सनुसार, मोहम्मद आलम चार वर्षांपासून पूजासोबत राहत होता. पूजाचा पहिल्या पतीसोबत वाद सुरू होता. पूजा काही दिवसांपासून त्याच्यासोबत राहण्याचा हट्ट करत होती. याचा राग येऊन त्याने ओढणीने पूजाचा गळा आवळून खून करून मृतदेह कालव्यात फेकून दिला. यानंतर त्यांनी पोलिसांत पूजा हरवल्याची तक्रारही दाखल केली.

 

पूजाची बहीण पूनम हिने पोलिसांशी संपर्क साधल्यानंतर हे संपूर्ण प्रकरण उघडकीस आले. आपली बहीण काही दिवसांपासून बेपत्ता असल्याची तक्रार पूनमने पोलिसांत दिली होती. पूनमने बहिणीसोबत राहणाऱ्या आलमवर संशय व्यक्त केला होता. त्यानंतर पोलिसांनी या प्रकरणाचा तपास सुरू केला.

 

पोलिसांनी आलमला ताब्यात घेऊन चौकशी केली. यानंतर आलमने संपूर्ण घटना सांगितले. आलमने सांगितले की, त्याची आणि पूजाची पाच वर्षांपूर्वी भेट झाली होती. गाझियाबादच्या विजयनगरमध्ये त्याची पूजाची भेट झाली. येथे तो कार मेकॅनिकचे दुकान चालवत असे. यानंतर पूजाशी त्याची जवळीक वाढली. पूजा तिच्या माजी पतीपासून वेगळी राहत होती, तिचा घटस्फोट झाला होता.

  

पूजाला तीन मुलेही आहेत. पूजाशी जवळीक वाढल्यानंतर आलम तिच्यासोबत लिव्ह इन रिलेशनशिपमध्ये राहू लागला. आलमने याआधी लग्नही केले होते. त्याला चार मुले असून त्याची पत्नी गावात राहते. पूजाला भेटल्यानंतर काही वेळाने त्याने नोएडामध्ये कार मेकॅनिकचे दुकान उघडले. आलमने ६ महिन्यांपूर्वी पूजाशी लग्न केल्याचेही सांगण्यात आले. हे लग्न घरातच झाल्याचे आलमने सांगितले. काही दिवसांनी पूजाने आलमवर तिच्यासोबत राहण्यासाठी दबाव आणण्यास सुरुवात केली.

 

पूजा आलमवर सतत दबाव वाढवत होती तर आलम त्यासाठी तयार नव्हता. यानंतर आलमने पूजाला आपल्या मार्गातून दूर करण्याचा निर्णय घेतला होता. आलमने तिच्या हत्येची योजना तयार केली. यानंतर दि. १९ जुलै रोजी पूजाने त्याच्याकडे पुन्हा तशीच मागणी केली आणि तिला भेटण्यासाठी दबाव टाकण्यास सुरुवात केली. यावेळी आलमच्या मुलाला गाझियाबाद येथील रुग्णालयात दाखल करण्यात आले होते.

  

पूजाने त्याच्यावर दवाखान्यात येऊन तिला भेटण्यासाठी दबाव आणण्यास सुरुवात केली. यानंतर दोघेही बाहेर एका ठिकाणी भेटले आणि आलमने पूजाला गाडीत बसवले. यावेळी दोघांमध्ये वाद झाला. यानंतर आलमने पूजाचा गळा आवळून खून केला. आलमने पूजाचा मृतदेह गाझियाबादमधील कालव्यात फेकून दिला. यानंतर त्यांनी स्वतः पोलिसात जाऊन बेपत्ता झाल्याची तक्रार दाखल केली. मात्र, नंतर संपूर्ण प्रकरण उघडकीस आले. पोलिसांनी मोहम्मद आलमला गाझियाबाद येथून अटक करून त्याच्यावर गुन्हा दाखल केला आहे.