प्रेमानंद महाराजांनी राकेश टिकैतना दाखवला आरसा!

मुंबई (विशेष प्रतिनिधी) : भारतीय किसान युनियनचे राष्ट्रीय प्रवक्ते राकेश टिकैत यांनी वृंदावन येथे प्रेमानंद महाराजांची भेट घेतल्याचा व्हिडिओ सोशल मिडियावर धुमाकुळ घालत आहे. "शेतकऱ्याच्या बाजूने उभे राहुन त्यांच्या मागण्या सरकारपर्यंत पोहोचवणे हे निश्चितच उत्तम कार्य आहे, मात्र यात स्वार्थ असता कामा नये.", असे म्हणत प्रेमानंद महाराजांनी राकेश टिकैत यांचे कान टोचत त्यांना आरसा दाखवल्याचे स्पष्टपणे दिसत आहे.

हे वाचलंत का? : 'चांद्रयान-३'च्या ऐतिहासिक लॅण्डिंगला मिळणार 'विश्व अंतराळ पुरस्कार'



प्रेमानंद महाराज पुढे म्हणाले, स्वार्थापोटी माणूस कपटी होत जातो. जर आपण आपल्या स्वार्थासाठी कुठले कार्य करत असू तर ते परमार्थ ठरणार नाही. दुसऱ्याच्या हिताचा विचार करून आपल्या प्राणाचीही बाजी लावली तर परलोकांतही मंगलमय वातावरण तयार होईल. परमार्थाच्या भावनेने देशाच्या शेतकऱ्यांची उन्नती होवो, त्यांचे रक्षण होवो हीच प्रार्थना."