“ज्यावेळी प्रसाद दादाला आनंद दिघेंच्या वेशात पाहिलं तेव्हा मी...”, क्षितीजने सांगितला अनुभव

 

 

 

मुंबई : धर्मवीर आनंद दिघे यांच्या जीवनावर आधारित धर्मवीर १ : मुक्कास पोस्ट ठाणे या चित्रपटानंतर आता दुसरा भाग धर्मवीर २ : साहेबांच्या हिंदुत्वाची गोष्ट ९ ऑगस्ट रोजी देशभरात मराठीसह हिंदी भाषेतही प्रदर्शित होणार आहे. नुकताच या चित्रपटाचा ट्रेलर प्रदर्शित झाला असून यावेळी चित्रपटात मुख्यमंत्री एकनाथ शिंदे यांची भूमिका साकारणारा अभिनेता क्षितीज दाते याने पहिल्यांदा प्रसाद ओक यांना आनंद दिघेंच्या वेशात पाहिल्यावरचा अनुभव सांगितला आहे.

 

क्षितीज दाते म्हणाला की “प्रविण तरडे यांच्यासोबत काम केलेला हा माझा पाचवा चित्रपट आहे. आम्ही नेहमी असं म्हणतो की प्रविण तरडे यांच्यावर सरस्वती प्रसन्न आहे. प्रेक्षकाभिमुख कलाकृती कशी तयार करावी याची पुर्ण जाण त्यांना असल्यामुळे धर्मवीर १ ला देखील उदंड प्रतिसाद मिळाला”. पुढे बोलताना क्षितीश म्हणाला की, चरित्रात्मक चित्रपटांच्या बाबतील फोटोत किंवा समोरासमोर पाहिलेली व्यक्ती कुठलातरी नट साकारत असतो. कलाकार असल्यामुळे आपल्याला माहित असतं की कोणत्याही भूमिकेत किंवा वेशभूषेत आपल्यासोबत काम करणारा कलाकार हा आपला सहकलाकारच आहे याची आपल्याला माहिती असते. पण धर्मवीर १ च्या वेळी जेव्हा पहिल्यांदा प्रसाद ओक माझ्यासमोर आनंद दिघे यांच्या वेशात समोर आले तो क्षण मी आजन्म विसरु शकणार नाही. कारण, सहकलाकार आणि त्यातही या क्षेत्रात ते माझ्यापेक्षा वरिष्ठ कलाकार असल्यामुळे मी आनंद दिघेंच्या भूमिकेत ते असल्यामुळे आपसुकच अधिक अदबीने वागत होतो. इतकी त्यांच्या अभिनयाची जादू माझ्यावर झाली होती”.

 

दरम्यान, ‘धर्मवीर : २’ चित्रपटाबद्दल सांगायचे झाल्यास ९ ऑगस्ट २०२४ रोजी हा चित्रपट मराठीसह हिंदी भाषेतही प्रदर्शित होणार आहे. या चित्रपटात प्रसाद ओक, क्षितीज दाते यांनी महत्वपुर्ण भूमिका निभावल्या आहेत.