शेअर बाजार अपडेट: सकाळच्या सत्रात निफ्टी सेन्सेक्स वाढला मिडकॅप व स्मॉलकॅपमध्ये वाढ कायम

 

मुंबई: आज इक्विटी बेंचमार्क निर्देशांकात वाढ झाली आहे. कालच्या सकाळच्या रॅलीनंतर अखेरच्या सत्रात घसरण झाली होती. आज सकाळी गिफ्ट निफ्टीच्या वाढीनंतर पुन्हा एकदा बाजारात सकाळच्या सत्रात वाढ झाली आहे. सेन्सेक्स २०८.१७ अंशाने वाढत ७६७०७.८१ पातळीवर व निफ्टी ५० निर्देशांक ७०.६० अंशाने वाढत २३३२९.८० पातळीवर पोहोचला आहे. सेन्सेक्स बँक निर्देशांका त ८०.७५ अंशाने वाढत ५६८८७.८३ पातळीवर पोहोचला आहे तर निफ्टी बँक निर्देशांक ९१.८५ अंशाने वाढत ४९८७२.७५ पातळीवर पोहोचला आहे.

 

बीएसई मिडकॅप व स्मॉलकॅपमध्ये अनुक्रमे ०.७९ व ०.९१ टक्क्यांनी वाढ झाली आहे तर एनएसई मिडकॅप व स्मॉलकॅपमध्ये अनुक्रमे ०.८५ व ०.७० टक्क्यांनी वाढला आहे.निफ्टी क्षेत्रीय निर्देशांकात सगळ्याच निर्देशांकात वाढ झाली आहे.सर्वाधिक वाढ रिअल्टी (१.३९%),ऑटो (०.९०%), मिडिया (०.६४%), मेटल (०.८२%), पीएसयु बँक (०.२४%) या समभागात वाढ झाली आहे.