"थोडीही चूक केली तर ते राम मंदिराला बाबरीच्या नावाने टाळे लावतील" - अमित शाह

 

 

लखनौ : केंद्रीय गृहमंत्री अमित शाह यांनी बुधवारी लखीमपूर येथे निवडणूक रॅलीला संबोधित केले. सपा नेते राम गोपाल यादव यांच्या वक्तव्यावर ते म्हणाले की, "ते राम मंदिराला निरुपयोगी म्हणतात. तुमच्याकडून थोडीही चूक झाली तर ते बाबरीच्या नावाने राम मंदिराला टाळे ठोकतील. शाह म्हणाले की, जेव्हा उत्तर प्रदेशात सपाचे सरकार होते. गुंडगिरी चालली होती. जमिनींवर अतिक्रमण झाले. होळी आणि दिवाळीच्या दिवशी वीज नव्हती आणि रमजानच्या काळात २४ तास वीज होती."

 

पुढे बोलताना अमित शाह म्हणाले की, काँग्रेस आणि सपा खोटा प्रचार करून भाजप आणि मोदींना बदनाम करत आहेत. मोदींना 400 जागा जिंकल्यास आरक्षण काढून टाकण्यात येईल, असा भ्रामक प्रचार ते करत आहेत. कर्नाटकात काँग्रेसला बहुमत मिळाले तेव्हा त्यांनी तेथे मागासवर्गीयांच्या आरक्षणात कपात करून मुस्लिमांना पाच टक्के आरक्षण दिले. मागासवर्गीयांच्या आरक्षणात कपात करण्याचे काम काँग्रेस पक्षाने केले.

  

एका झटक्यात गरिबी हटवू असे राहुलबाबा सांगतात, असे गृहमंत्री म्हणाले. तुझ्या आजीने अचानक आणीबाणी लादली. वडिलांनी एका झटक्यात तिहेरी तलाक सुरू केला. मागासवर्गीयांचे आरक्षण हिसकावून घेण्याचे काम तुमच्या पक्षाने केले. गृहमंत्र्यांनी आपल्या भाषणात सीएए चा उल्लेख करून काँग्रेसवर निशाणा साधला. अमित शाह म्हणाले की, "राहुल बाबा म्हणतात की आम्ही सीएए हटवू. अहो राहुल बाबा... तुमची आजी वरून आली तरी सीएए हटणार नाही."