छत्रपती संभाजीनगरमध्ये २५ ठिकाणी ईव्हीएम मशीन बंद!

 

छत्रपती संभाजीनगर : राज्यात सध्या लोकसभा निवडणूकीची रणधूमाळी सुरु आहे. सोमवारी सकाळी लोकसभेच्या चौथ्या टप्प्यातील मतदानाला सुरुवात झाली आहे. परंतू, छत्रपती संभाजीनगरमध्ये जवळपास २५ मतदान केंद्रावरील ईव्हीएम मशीन बंद पडले होते.

 

सकाळी ७ वाजतापासून चौथ्या टप्प्यातील मतदान सुरु झाले. मात्र, मतदानप्रक्रिया सुरु होताच छत्रपती संभाजीनगरमध्ये मोठा अडथळा निर्माण झाला होता. याठिकाणी तब्बल २५ ठिकाणी ईव्हीएम मशीन बंद पडल्याची माहिती पुढे आली होती. त्यामुळे मतदारांची गैरसोय होऊन त्यांना अडचणींना सामोरं जावं लागलं. त्यानंतर लगेच २५ नवीन ईव्हीएम मशीन लावण्यात आल्या. त्यामुळे आता सुरळीत मतदान सुरु आहे.

 

 

लोकसभेच्या चौथ्या टप्प्यात ११ मतदारसंघांमध्ये मतदान होत आहे. यामध्ये नंदुरबार, जळगाव, रावेर, जालना, छत्रपती संभाजीनगर, मावळ, पुणे, शिरूर, अहमदनगर, शिर्डी आणि बीड या मतदारसंघांचा समावेश आहे. दरम्यान, याठिकाणी अनेक दिग्गज नेत्यांची प्रतिष्ठा पणाला लागली आहे.