मुलांचे जन्म प्रमाणपत्र काढताय तर नवी अट जाणून घ्या!

 

केंद्रीय गृह मंत्रालयाने तयार केलेल्या नियमांनुसार आता मुलाच्या जन्माची नोंदणी करताना मुलाचे वडील आणि आई या दोघांच्या धर्माची माहिती देणे आवश्यक असणार आहे. हे नियम राज्य सरकारांनी अद्याप अधिसूचित केलेले नाहीत. मूल दत्तक घेण्याच्या बाबतीतही हा नियम लागू असेल, ज्यामध्ये मूल दत्तक घेणाऱ्या दोन्ही पालकांच्या धर्माचा उल्लेख करणे आवश्यक असेल. सदर प्रक्रिया मोदी सरकारने जन्म प्रमाणपत्र बनविण्याकरिता तयार केली आहे.

दरम्यान, दि. ११ ऑगस्ट २०२३ रोजी संसदेत जन्म आणि मृत्यू नोंदणी (सुधारणा) कायदा मंजूर करण्यात आला होता. ज्यामध्ये जन्म आणि मृत्यूशी संबंधित डेटाबेस राष्ट्रीय स्तरावर तयार करण्यात येणार असल्याचे सांगण्यात आले. याचा उपयोग राष्ट्रीय लोकसंख्या नोंदणी (एनपीआर) अद्ययावत करण्यासाठी केला जाऊ शकतो. यासोबतच मतदार यादी तयार करणे, आधार, रेशनकार्ड, पासपोर्ट, ड्रायव्हिंग लायसन्स, मालमत्ता नोंदणी आणि इतर महत्त्वाच्या कामांसाठी याचा वापर केला जाणार आहे.