मक्का मशिदीसमोर कुटुंबावर हल्ला; आरोपी फरहान, फिरदौस, मोहम्मद, अयान पोलिसांच्या ताब्यात

 

 

हैदराबाद : तेलंगणाची राजधानी हैदराबाद येथील मक्का मशिदीसमोर एका कुटुंबावर हल्ला केल्याबद्दल आणि त्यांच्यावर आक्षेपार्ह टिप्पणी केल्याबद्दल पोलिसांनी चार तरुणांना अटक केली. अटक करण्यात आलेल्यांमध्ये मोहम्मद शबाज (१९), मोहम्मद फरहान अहमद (१९), सय्यद फिरदौस (१९) आणि शेख अयान (१९) यांचा समावेश आहे. ही दि. २९ मार्च २०२४, शुक्रवारी घडली.

 

वास्तविक, या घटनेचा एक व्हिडिओ सोशल मीडियावर व्हायरल झाला होता. हा व्हिडिओ दि. २६ मार्च रोजी हैदराबाद पोलिसांच्या लक्षात आला. या व्हिडिओमध्ये मक्का मशिदीसमोर काही तरुण एका व्यक्तीला, त्याच्या पत्नीला आणि त्याच्या नवजात मुलाला मारहाण करत होते आणि शिवीगाळ करत होते. यानंतर पोलिसांनी या व्हिडिओची स्वत:हून दखल घेत गुन्हा दाखल केला.

 

 

व्हायरल व्हिडिओ आणि मोहम्मद खलील नावाच्या व्यक्तीच्या तक्रारीच्या आधारे, चारमिनार पोलिस स्टेशनच्या पोलिस उपनिरीक्षकांनी भारतीय दंड संहितेच्या कलम ३२३, ५०४, २९५-अ आणि ३४ आणि बाल न्यायाच्या कलम ७५ नुसार गुन्हा दाखल केला. कायदा यानंतर आरोपींची ओळख पटविण्यासाठी आणि अटक करण्यासाठी चार पथके नेमण्यात आली आहेत.

 

यानंतर चारमिनार पोलिसांनी शुक्रवारी दि. २९ मार्च २०२४ पहाटे एका आरोपीला पकडले. शेख अयान असे अटक करण्यात आलेल्या आरोपीचे नाव असून तो १९ वर्षांचा आहे. पोलिसांनी त्याची कसून चौकशी केली असता त्याने साथीदारांची नावे सांगितली. यानंतर पोलिसांनी सय्यद फिरदौस (१९), मोहम्मद शबाज (१९) आणि मोहम्मद फरहान अहमद (१९) यांनाही अटक केली.

 

 

पोलिसांनी दोन्ही आरोपींकडून दोन मोबाईल फोनही जप्त केले आहेत. त्या मोबाईलमध्ये एक व्हिडीओ क्लिप व्हायरल झाली होती. पोलिसांनी ते मोबाईल जप्त केले आहेत. पोलिसांनी शुक्रवारी दि. २४ मार्च २०२४ चारही आरोपींना न्यायालयात हजर केले. यानंतर चौघांचीही तुरुंगात रवानगी करण्यात आली.