मौलनाच्या क्रुरतेचा कळस! चोरीच्या आरोपावरून विवस्त्र करून मारहाण अन्..

छत्रपती संभाजीनगर : महाराष्ट्रातील छत्रपती संभाजीनगरमध्ये एका अल्पवयीन मुलाने १०० रुपये किमतीचे घडयाळ चोरले. त्यानंतर मदरशाचे मौलाना सय्यद उमर अली यांनी चोरीच्या आरोपीमुळे विद्यार्थ्याला 'क्रूर शिक्षा' देण्याचा निर्णय घेतला. १६ वर्षीय़ मुलाला अर्धनग्न करून त्याच्या सहकारी मित्रांना त्यांच्यावर थुंकायला लावले. एवढेच नाही तर त्याला बेदम मारहाणही केली.पीडित विद्यार्थी हा गुजरातमधील सुरत येथील रहिवासी आहे. त्याला छत्रपती संभाजीनगर येथील खुलताबाद भागातील जामिया बुरहानुल उलूम मदरशात दाखल करण्यात आले. एका वृत्तसंस्थेने दिलेल्या माहितीनुसार, या तरुणाने जवळच्या दुकानातून घड्याळ चोरले. त्या घड्याळाची किंमत फक्त १०० रुपये असल्याचे सांगण्यात येत आहे. चोरीची घटना परिसरात लावलेल्या सीसीटीव्ही कॅमेऱ्यात कैद झाली आहे.