नाशिकमध्ये सुरू होणार ट्रान्झिट ट्रीटमेंट सेंटर

नाशकातील ट्रान्झिट ट्रीटमेंट सेंटरचा (Transit Treatment Centre) लवकरच शुभारंभ. वन्यप्राण्यांवर उपचार करणारे अत्याधुनिक केंद्राचे (Transit Treatment Centre) काम पुर्ण... 

मुंबई (विशेष प्रतिनिधी): उत्तर महाराष्ट्रातील पहिलेच ट्रान्झिट ट्रीटमेंट सेंटर (Transit Treatment Centre) नाशिकमध्ये येत्या एप्रिलपासून सुरू केले जाणार आहे. उत्तर महाराष्ट्रातील हे पहिलेच अत्याधुनिक सोयीसुविधांयुक्त वन्यप्राण्यांचे उपचार केंद्र (Transit Treatment Centre) असून त्याचे बांधकाम पुर्ण झाले आहे. नाशिक वनविभाग आणि रेस्क्यू चॅरिटेबल ट्रस्ट यांच्यामध्ये सामंजस्य करार करत हे केंद्र (Transit Treatment Centre) उभारण्यात येत आहे.


हे वाचलंत का?: माकडांच्या उपद्रवावर उपाय; कोकणातील माकडांचे होणार निर्बिजीकरण

नाशिकमधील जखमी वन्यप्राण्यांच्या उपचारासाठी केंद्र (Transit Treatment Centre) असावे अशी मागणी सातत्याने वन्यजीव प्रेमींकडून केली जात होती. नाशिकच्या म्हसरूळ येथील वनविभागाच्या जागेमध्ये हे उपचार केंद्र उभारण्यात आले असून यामध्ये पक्ष्यांसाठी एव्हियरीज, फ्लाईट एरिया, लहान मोठे पिंजरे, स्वतंत्र ऑपरेशन थिएटर, स्वतंत्र आयसीयू, तसेच बिबट्यांसाठी स्वतंत्र पिंजऱ्यांची व्यवस्था करण्यात आली आहे.


हे वाचलंत का?: आशियाई सिंह आता 'नष्टप्राय' श्रेणीतून 'संभाव्य संकटग्रस्त' श्रेणीत : आययूसीएन

या ट्रान्झिट ट्रीटमेंट सेंटरमध्ये (Transit Treatment Centre) ४५ प्राणी ठेवता येतील अशी व्यवस्था करण्यात आलीय. अनेकदा वन्यप्राणी अपघातात किंवा विहीरीत पडून जखमी झाल्याच्या घटना घडतात. या जखमी प्राण्यांवर उपचार करून त्यांना पुन्हा मुक्त अधिवासात सोडण्यात येते. या प्राण्यांवर त्वरित आणि योग्य उपचार करता यावे यासाठी हे उपचार केंद्र (Transit Treatment Centre) उभारण्यात येत आहे.