प्रसिद्ध तबलावादक झाकिर हुसेन यांनी कोरले ३ ग्रॅमी पुरस्कारांवर नाव!

तबल्याच्या तालावर लोकांना मंत्रमुग्ध करणारे पद्मविभूषण तबलावादक उस्ताद झाकीर हुसैन यांना २०२३ मध्ये पद्मविभूषण पुरस्कार देत गौरवण्यात आले होते. झाकीर हुसैन तबला वादनाचे कौशल्य वडील प्रसिद्ध तबलावादक अल्ला रक्खा खान यांच्याकडून शिकले. वयाच्या अवघ्या तिसऱ्या वर्षी वडिलांकडून त्यांनी पखावज शिकण्यास सुरुवात केली. इतकेच नव्हे तर, वयाच्या ११ व्या वर्षी त्यांनी अमेरिकेत पहिला कॉन्सर्ट केला होता. पद्मविभूषण झाकीर हुसेन हे पहिले भारतीय संगीतकार होते ज्यांना अमेरिकेचे माजी राष्ट्राध्यक्ष बराक ओबामा यांनी ऑल-स्टार जागतिक मैफलीत भाग घेण्यासाठी व्हाईट हाऊसमध्ये आमंत्रित केले होते. यापुर्वी देखील १९९२ मध्ये 'द प्लॅनेट ड्रम' आणि २००९ मध्ये 'ग्लोबल ड्रम प्रोजेक्ट'साठी त्यांना ग्रॅमी पुरस्कार प्रदान करण्यात आला होता. झाकीर हुसेन यांना संगीत क्षेत्रातील त्यांच्या अमुल्य योगदानासाठी पद्मश्री आणि संगीत नाटक अकादमी पुरस्कारासह विविध पुरस्कारांनी सन्मानित करण्यात आले आहे.