भोपाळ : मध्य प्रदेशातील मंदसौरमध्ये अल्पवयीन मुलीवर बलात्कार करणाऱ्या पाच आरोपींना पोलिसांनी अटक केली आहे. त्यापैकी दोघे अल्पवयीन आहेत. आरोपींवर कारवाई करण्याची सुरुवात झाली आहे. दि. १२ फेब्रुवारी २०२४ सोमवारी प्रशासनाने अरबाज, सोहेल आणि अनोस उर्फ येस यांच्या चार घरांवर बुलडोझर चालवला. हिंदू संघटनांनी आरोपींचे इतर बेकायदेशीर ठिकाणे उद्ध्वस्त करण्याची मागणी केली.
पोलिसांनी दिलेल्या माहितीनुसार, मंदसौर जिल्ह्यातील दलोदा येथे रविवारी (११ फेब्रुवारी २०२४) आरोपीने मुलीला ब्लॅकमेल करून तिला एकांतात भेटायला बोलावले होते. मुलगी तिथे पोहोचल्यावर आरोपीने बेल्टने मारहाण केली. मुलीला मारहाण होत असल्याचे पाहून काही हिंदू संघटनेचे कार्यकर्ते घटनास्थळी पोहोचले. त्यांनी तीन आरोपींना पकडून पोलिस ठाण्यात आणले. मात्र, दोन आरोपी पळून जाण्यात यशस्वी झाले होते.
रात्री उशिरा पोलिसांनी मुख्य आरोपीसह पाच आरोपींविरुद्ध गुन्हा दाखल करून त्यांना ताब्यात घेतले. या आरोपींमध्ये सोहेल २० वर्षांचा, अरबाज १९ वर्षांचा आणि अनोस उर्फ येस १९ वर्षांचा आहे. त्याचवेळी दोन आरोपींचे वय १८ वर्षांपेक्षा कमी आहे. पोलिसांनी सांगितले की, मुख्य अल्पवयीन आरोपीने २०२२ सालीही मुलीवर बलात्कार केला होता.
पीडितेचे म्हणणे आहे की, दि. ११ फेब्रुवारी २०२४ रोजी संध्याकाळी ५ वाजता ती स्टेशन रोडवर असलेल्या कोचिंगला जात होती. त्या वेळी आरोपी त्याच्या मित्रासह (अल्पवयीन) तिचा रस्ता अडवला. त्याने पीडितेची जुनी छायाचित्रे दाखवली, ज्यात ती एका अल्पवयीन मुलीसोबत होती. या दोघांनी तिचे जुने फोटो दाखवून तिला ब्लॅकमेल केले आणि द्वारका विहार कॉलनीत न आल्यास फोटो व्हायरल करू असे सांगितले.
आरोपींने पिडितेला काळ्या रंगाच्या कारमध्ये बसवून द्वारका विहार कॉलनीत नेले. येथे तिला कारमधून बाहेर काढण्यात आले आणि अरबाज आणि त्याच्या अल्पवयीन मुलाने तिला मारहाण करण्यास सुरुवात केली. यावेळी त्याने द्वारका विहार कॉलनीतील एका झोपडीत नेऊन तिच्यासोबत जबरदस्तीने शारीरिक संबंध ठेवल्याचे मुलीने सांगितले.