अशोक चव्हाणांची काँग्रेसला सोडचिठ्ठी! पटोले म्हणतात, "आम्ही निष्ठावंत..."

 

नाना पटोले आपल्या पोस्टमध्ये म्हणाले की, "काँग्रेस पक्षाने अनेक नेत्यांना खूप काही काही दिले आहे. आज काँग्रेस पक्ष संविधान आणि लोकशाही वाचविण्याची लढाई लढत असताना सर्वकाही मिळालेले नेते काँग्रेस पक्षाला आणि विचारधारेला सोडून जात आहेत हे दुर्देवी आहे. कोण, कशासाठी, कुठे जात आहे? हे जनता उघड्या डोळ्याने पहात आहे. आम्ही सर्व काँग्रेस पक्षाचे निष्ठावंत कार्यकर्ते काँग्रेसचा विचार आणि लोकशाही वाचविण्यासाठी धर्मांध, हुकुमशाही वृत्तीच्या भारतीय जनता पक्षाविरोधात पूर्ण ताकदीनिशी लढून त्यांना पराभूत करू," असेही ते म्हणाले आहेत.

 

दरम्यान, अशोक चव्हाण यांनी विधासभा अध्यक्ष राहूल नार्वेकर यांच्याकडे आपला राजीनामा सोपवला असून त्यांनी तो स्विकारला आहे. यानंतर अशोक चव्हाण भाजपमध्ये जाणार का? अशा चर्चा रंगल्या असताना आपण याबाबत अजून विचार केला नसल्याचे चव्हाणांनी म्हटले आहे.