मोदी सरकारच्या कुटनितीस यश, ७ माजी नौसैनिक मायदेश परतले

नवी दिल्ली: कतारमध्ये अनेक महिन्यांच्या वेदनादायक बंदिवासानंतर सुटका करण्यात आलेल्या आठ माजी भारतीय नौसैनिकांपैकी सातजण आज मायदेशी परतले आहेत. कथित हेरगिरीच्या आरोपाखाली फाशीची शिक्षा सुनावण्यात आलेल्या या माजी नौसैनिकांनी पंतप्रधान नरेंद्र मोदी यांच्यामुळेच त्यांची सुटका झाल्याची भावना व्यक्त केली आहे.

भारताने आणखी एक मोठा राजनैतिक विजय मिळवला आहे. कतारमध्ये फाशीची शिक्षा सुनावण्यात आलेल्या भारतीय नौदलाच्या आठ माजी सैनिकांची दोहा येथील न्यायालयाने सुटका केली आहे. परराष्ट्र मंत्रालयाने सोमवारी एका निवेदनात म्हटले आहे की, आठपैकी सात भारतीय नागरिकही भारतात परतले आहेत. परराष्ट्र सचिव विनय क्वात्रा म्हणाले की, भारतीय नागरिकांची सुटका करण्याविषयी कतार सरकार आणि अमीर यांच्या निर्णयाचे आम्ही स्वागत करतो. सात भारतीय नागरिक मायदेशी परत आले असून आठव्या भारतीय नागरिकासही लवकरच भारतात परत आणले जाईल. या सर्व प्रकरणावर पंतप्रधान नरेंद्र मोदी हे जातीने लक्ष ठेवून होते, असेही क्वात्रा म्हणाले आहेत.

यापूर्वी भारताच्या राजनैतिक हस्तक्षेपानंतर आठ माजी नौसेनिकांना फाशीची शिक्षा तुरुंगात बदलण्यात आली होती. दोहास्थित अल दाहरा ग्लोबल टेक्नॉलॉजीजमध्ये काम करणाऱ्या आठ माजी भारतीय नौदलाच्या कर्मचाऱ्यांना गेल्या वर्षी २८ डिसेंबर रोजी कतारच्या अपील न्यायालयाने दिलासा दिला होता. त्यानंतर ऑक्टोबर 2023 मध्ये न्यायालयाने त्याला दिलेली फाशीची शिक्षा कमी करून त्यांना ला तीन वर्षापासून ते 25 वर्षांपर्यंत वेगवेगळ्या कालावधीसाठी तुरुंगवासाची शिक्षा सुनावली होती. मात्र, पंतप्रधान नरेंद्र मोदी यांनी कतारसोबत अतिशय खुबीने संवाद साधून भारतीय नागरिकांना मायदेशी परत आणले आहे.