शिक्षकांना निवडणुकीसारखी अशैक्षणिक कामे देऊ नये : अनिल बोरनारे

मुंबई :  'राईट टू एज्युकेशन' कायद्यातील तरतुदीनुसार शिक्षकांना कोणत्याही प्रकारचे अशैक्षणिक कामे देऊ नये असे असताना निवडणुकीच्या कामासाठी जुंपले जात असून या कामावर बहिष्कार टाकणार असल्याचे शिक्षक नेते व भाजप प्रदेश कार्यकारिणी सदस्य अनिल बोरनारे यांनी सांगितले. याबाबत अनिल बोरनारे हे निवडणूक अधिकारी व शिक्षण अधिकाऱ्यांना भेटणार असून शिक्षकांना या कामातून वगळण्याची मागणी करणार आहेत.

काल रात्री अचानक शिक्षकांना हजर व्हायच्या सूचना शिक्षणाधिकार्यांनी पत्रांवये केल्या त्यामुळे मुलांना शिकवायचं कुणी ? परीक्षा कुणी घ्यायच्या असा प्रश्न निर्माण झाला आहे. यु डायस, मुख्यमंत्री सुंदर शाळा, या सारखी असंख्य कामे सुरू असून शाळेतील परीक्षांचे नियोजन व इतर रोजची ऑनलाईन कामे करावी लागत असल्याने ही कामे सांभाळून निवडणुकीची कामे कशी करावी असा प्रश्न निर्माण झाला आहे.