भास्कर जाधवांना निवडणुकीसाठी १५ लाख रुपये दिले! 'या' बड्या नेत्याचा गौप्यस्फोट

सिंधुदुर्ग : भास्कर जाधवांना निवडणुकीसाठी १५ लाख रुपये दिले, असा गौप्यस्फोट केंद्रीय मंत्री नारायण राणे यांनी केला आहे. उबाठा गटाचे नेते भास्कर जाधव यांनी केलेल्या टीकेला प्रत्युत्तर देताना त्यांनी हे वक्तव्य केले आहे. सिंधुदुर्गमधील एका कार्यक्रमात ते बोलत होते.

 

नारायण राणे म्हणाले की, "कोण तरी भास्कर भाडोत्री आणतात. राणेंविरुद्ध काहीही बोला. मी काही त्यांना उत्तर देणार नाही. पण एक दिवस चोप तर देणार. मी असं कुणाला सोडणार नाही. माझे १५ लाख रुपये निवडणुकीसाठी घेतले आणि अजुनपर्यंत परत केले नाही. आता तेच माझ्यावर टीका करत आहेत."

 

पुढे ते म्हणाले की, "साहेबांना सांगून त्यांना मी तिकीट दिली. ते माझ्याकडे आले आणि मला म्हणाले, दादा प्रचाराला पैसे नाहीत. त्यावेळी मी त्यांना एकदा १० लाख आणि एकदा ५ लाख असे १५ लाख रुपये दिले. पण अजूनही परत केले नाहीत आणि माझ्यावर टीका करत आहेत," असेही ते म्हणाले.