शेतकरी आंदोलनाला हिंसक वळण, सहा शेतकरी जखमी

चंदीगड : शेतकरी आंदोलनामुळे पंजाब-हरियाणा येथील शंभू सीमेवर ताणावाची परिस्थिती निर्माण झाली आहे. शेतकरी आणि पोलिसांमध्ये  शुक्रवारी ६ डिसेंबर २०२४ रोजी दिल्ली येथे मोर्चासाठी निघालेल्या शेतकऱ्यांना पोलिसांनी अडवले असता शेतकरी संतापले आहेत. शेतकऱ्यांनी बॅरिकेड्स तोडून जाण्याचा प्रयत्न केला असून आता त्याला प्रत्युत्तर म्हणून हरियाणा पोलिसांनी अश्रुधुराच्या २१ नळकांड्या सोडल्या आहेत. यावेळी प्लास्टिकच्या गोळ्यांचाही वापर करण्यात आला असून या आंदोलनाला हिंसक वळण प्राप्त झाले. याप्रकणात सहा शेतकरी जखमी झाले असल्याचे वृत्त आहे.