कल्याण पूर्वेतील महायुती उमेदवार सुलभा गायकवाड यांचा रॅलीच्या माध्यमातून प्रचाराचा प्रारंभ
Total Views |
कल्याण : ( Sulabha Gaikwad ) विधानसभा निवडणूकीच्या पार्श्र्वभूमीवर कल्याण पूर्व विधानसभा मतदारसंघातील महायुतीच्या उमेदवार सुलभा गणपत गायकवाड यांच्यातर्फे प्रचार फेरीचे आयोजन करण्यात आले होते. तिसाई देवी तसेच गावदेवी मातेचे दर्शन घेऊन या प्रचार फेरीची सुरूवात झाली.
सुलभा गणपत गायकवाड यांच्या प्रचारार्थ मंगळवारी काढण्यात आलेल्या प्रचारफेरीमध्ये शेकडो कार्यकर्ते आणि महिला वर्ग सहभागी झाल्या होत्या. या प्रचारफेरीच्या माध्यमातून एकप्रकारे जोरदार शक्तीप्रदर्शन करण्यात आले. आमदार गणपत गायकवाड यांनी तळागाळात उतरून केलेली विकासकामे आणि नागरिकांची केलेली अथक सेवा यांच्या बळावर मतदार राजा आपल्याला भरघोस मतांनी निवडून देतील असा विश्वास यावेळी भाजपातर्फे व्यक्त करण्यात आला.
या प्रचारफेरीला माजीमंत्री जगन्नाथ पाटील, भाजपा जिल्हाध्यक्ष नरेंद्र (नाना) सूर्यवंशी, महिला मोर्चा जिल्हाध्यक्षा रेखा राजन चौधरी, राष्ट्रवादी कॉग्रेस अजित पवार गटाचे जिल्हाध्यक्ष अर्जुन नायर, जिल्हा उपाध्यक्ष सुभाष म्हस्के, माजी नगरसेवक अभिमन्यू गायकवाड, दत्ता गायकवाड, माजी नगरसेविका हेमलता पावशे, इंदिरा तरे, संगीता गायकवाड, समाजसेवक संजय गायकवाड, सुदाम पावशे यांच्यासह अनेक ग्रामस्थ मान्यवर, पदाधिकारी आणि कार्यकर्ते मोठय़ा संख्येने उपस्थित होते.