'रामायण'चं पहिलं पोस्टर समोर! चित्रपटाच्या दोन्ही भागांच्या प्रदर्शनाची तारीख जाहिर

 

 

 

मुंबई : नितेश तिवारी दिग्दर्शित ‘रामायण’ या चित्रपटाची गेल्या अनेक दिवसांपासून चर्चा आहे. अभिनेता रणबीर कपूर या चित्रपटात प्रभू श्रीराम आणि अभिनेत्री साई पल्लवी सीता माता साकारणार आहे. हा चित्रपट कधी प्रदर्शित होणार असे प्रश्न विचारले जात होते. मात्र, आता एका पोस्टमधून प्रेक्षकांच्या सर्व प्रश्नांची उत्तरं मिळाली आहेत. ‘रामायण’ हा चित्रपट दोन भागांमध्ये प्रदर्शित होणार असून ते केव्हा प्रदर्शित होणार हे आता अधिकृतरित्या जाहिर करण्यात आले आहे.

 

‘रामायण’ या चित्रपटाचं पोस्टर सध्या लक्ष वेधून घेत आहे. 'रामायण' च्या पोस्टरवर बाण दाखविण्यात आला आहे. या पोस्टरमधून सिनेमाच्या प्रदर्शनाबाबत मोठी अपडेट देण्यात आली आहे. प्रेक्षकांना २ वर्ष हा चित्रपट पाहण्यासाठी वाट पाहावी लागणार आहे. २०२६ मध्ये ‘रामायण भाग १’ तर 'रामायण भाग २' २०२७च्या दिवाळीत प्रदर्शित करण्यात येणार असल्याची घोषणा करण्यात आली आहे. मिळालेल्या माहितीनुसार दाक्षिणात्य अभिनेता यश या चित्रपटात रावणाची भूमिका साकारणार आहे. तर, अरूण गोविल राजा दशरथ, लारा दत्ता कैकयीची भूमिका साकारताना दिसणार आहेत.