दिलजीत दोसांझचा कॉन्सर्ट संपताच उडाला गोंधळ; शेकडो मोबाईल गेले चोरीला

 

 

 

 

मुंबई : पंजाबी गायक दिलजीत दोसांझ याचे देशविदेशात म्यूझिक कॉन्सर्ट होत असतात. काही दिवसांपूर्वी दिल्लीत झालेल्या त्याच्या कॉन्सर्टमधला गोंधळ ताजा होताच आता आणखी एक नवीन गोंधळ समोर आला आहे. नुकताच जयपूरमध्ये त्याचा कॉन्सर्ट मोठ्या उत्साहात पार पडला. यावेळी कॉन्सर्टला आलेल्या चाहत्यांना मोठा फटका बसला. दिलजीतच्या कॉन्सर्टच्या गर्दीत चोरांनी चांगलाच हात साफ करुन घेतला. कॉन्सर्टनंतर अनेक चाहत्यांचे फोन चोरीला गेल्याची धक्कादायक घटना समोर आली.

 

मिळालेल्या माहितीनुसार, कॉन्सर्ट संपल्यानंतर एकच गोंधळ उडाला आणि यावेळीच चोरांनी संधी साधत गर्दीतील आलेल्या लोकांचे फोन चोरले. कॉन्सर्टनंतर १०० पेक्षा अधिक जणांचे मोबाईल फोन चोरीला गेल्याची माहिती समोर आली आहे. याप्रकरणी अनेकांनी एफआयआरही दाखल केले आहेत.

 

विवारी जयपूरमध्ये दिलजीच्या कॉन्सर्टमध्ये सहभागी झालेल्या लोकांपैकी ३२ जणांनी मोबाईल चोरीला गेल्याची एफआयआर दाखल केली आहे. दिलजीत दोसांझच्या कॉन्सर्टमध्ये आलेल्या तमाम लोकांच्या गर्दीमुळे पोलीस आणि बाऊन्सर्सच्या कडेकोट बंदोबस्ताचा बोजवारा उडाला होता.