एकनाथ शिंदेंच्या पक्षाएवढ्याही जागा ‘मविआ’ला नाहीत

मुंबई : महाराष्ट्रात महायुती ( Mahayuti ) आघाडी पुन्हा सत्तेत येण्यासाठी सज्ज झाली आहे. महायुतीमध्ये एकनाथ शिंदे यांच्या नेतृत्वाखालील शिवसेना, भाजप आणि राष्ट्रवादी काँग्रेसच्या अजित पवार गटाचा समावेश आहे.

महाआघाडीत भाजप सर्वात मोठा पक्ष ठरला आहे. भाजप सध्या १३० पेक्षा अधिक जागांवर आघाडीवर आहे, शिवसेना (एकनाथ शिंदे) ५४ पेक्षा अधिक जागांवर, राष्ट्रवादी (अजित पवार) ४० जागांवर आघाडीवर आहे. मविआमध्ये सर्वाधिक जागा शिवसेना (उबाठा) २०, राष्ट्रवादी (शरद पवार) १३, काँग्रेस १९ जागांवर आघाडीवर आहेत. अशा स्थितीत दोन्ही गटांचे विश्लेषण केले तर एक गोष्ट स्पष्ट होते की, शिवसेना (एकनाथ शिंदे) जितक्या जागांवर आघाडीवर आहेत. तितक्याही जागा महाविकास आघाडी्च्या तिन्ही पक्षांना मिळवता आल्या नाहीत.

एकनाथ शिंदे यांच्या शिवसेनेच्या या आघाडीमुळे आता शिवसेना उद्धव ठाकरे पक्ष आणि राष्ट्रवादी शरद पवार पक्ष काय करणार, असे प्रश्नही उपस्थित केले जात आहेत. दोन्ही गटांच्या निवडणूक चिन्हांचे प्रकरण सर्वोच्च न्यायालयात प्रलंबित असल्याने हा प्रश्नही महत्त्वाचा ठरतो. मात्र, निवडणूक आयोगाने एकनाथ शिंदे यांनाच खरी शिवसेना मानली आहे, तर खरी राष्ट्रवादी काँग्रेसला अजित पवार गट असे म्हटले आहे. मात्र, यामध्येही निवडणूक आयोगाने अनेक मुदतीच्या अटी घातल्या आहेत. ज्याचे पालन एकनाथ शिंदे गट आणि अजित पवार गटाला करावे लागले आहे. पण महाराष्ट्र निवडणूक निकालाने एक गोष्ट स्पष्ट केली आहे की, आतापर्यंतच्या ट्रेंडमध्ये पाहिल्याप्रमाणे खरी शिवसेना आणि खरी राष्ट्रवादी कोण. महाराष्ट्रातील जनतेच्या मते खरा शिवसेना शिंदे गट आणि खरा राष्ट्रवादी अजित गट असा विचार करता येईल.