नेरुळ मतदान केंद्रात घडणार आगरी-कोळी संस्कृतीचे दर्शन

नवी मुंबई : १५१-बेलापूर मतदारसंघातील नेरुळ सेक्टर-१२ मधील तेरणा मेडिकल कॉलेजमधील मतदान केंद्रामध्ये विशेष सांस्कृतिक झोन तयार करण्यात आला आहे. या मतदान केंद्रामध्ये आगरी-कोळी ( Agari-Koli ) समाजाचा पारंपरिक व्यवसाय दर्शविणारा देखावा ठेवण्यात आला आहे. या मतदान केंद्रामध्ये शाळकरी मुले स्थानिक आगरी कोळींची वेशभूषा करून मतदारांचे स्वागत करणार आहेत. बुधवार, दि. २० नोव्हेंबर रोजी राज्यात विधानसभा निवडणुकीकरिता मतदान होणार आहे.

या निवडणुकीत जास्तीत जास्त मतदारांनी सहभागी व्हावे, यासाठी निवडणूक आयोगांकडून वेगवेगळ्या उपायोजना करण्यात येत आहेत.