६३ व्या हौशी राज्य नाट्य स्पर्धेचे बिगुल वाजले

मुंबई : महाराष्ट्र शासनाच्या सांस्कृतिक कार्य संचालनालयातर्फे आयोजित ६३ व्या हौशी राज्य नाट्य स्पर्धेच्या प्राथमिक फेरीला राज्यभरात सुरुवात झालेली आहे. मुंबईची (केंद्र १) प्राथमिक फेरी २४ नोव्हेंबर ते ५ डिसेंबर या कालावधीत गिरगावमधील साहित्य संघ मंदिरात पार पडणार आहे. २४ नोव्हेंबर ते ५ डिसेंबर या कालावधीत दररोज सकाळी ११: ३० ते सायंकाळी ७ वाजता नाटकाचे प्रयोग सादर होणार आहेत. या स्पर्धेत एकूण १८ संघांचा सहभाग आहे. राज्य नाट्य स्पर्धेतील सर्व नाटकांना जास्तीत जास्त प्रेक्षकांनी उपस्थित राहावे आणि हौशी रंगकर्मींचा उत्साह वाढवावा असे आवाहन आयोजकांतर्फे करण्यात आले आहे.