पनवेल कल्चरल असोसिएशन तर्फे ‘राज्यस्तरीय रफी चित्र स्पर्धेचे’ आयोजन

पनवेल : पनवेल कल्चरल असोसिएशन तर्फे ‘राज्यस्तरीय रफी चित्र स्पर्धेचे’ आयोजन करण्यात आले आहे. सुप्रसिद्ध पार्श्वगायक मोहम्मद रफी यांच्या जन्मशताब्दी वर्षानिमित्त, त्यांना आदरांजली म्हणून या स्पर्धेचे आयोजन करण्यात आलेले आहे. ११ ते २० आणि २१ व त्यावरील अशा दोन गटांमध्ये ही स्पर्धा होणार आहे. दोन्ही गटात विजयी होणाऱ्या प्रथम स्पर्धकाला प्रत्येकी ३ हजार रुपये, द्वितीय स्पर्धकाला २ हजार रुपये आणि उत्तेजनार्थ स्पर्धकांना १ हजार रुपये असे पारितोषिकांचे स्वरूप असणार आहे. या स्पर्धेसाठी प्रवेशिका पाठविण्याची अंतिम तारीख ३० नोव्हेंबर २०२४ आहे. चित्र पेन्सिल स्केच, चारकोल किंवा वॉटर कलर्सने काढलेले असावे आणि चित्राचा आकार ११ इंच * १५ इंच असावा असे या स्पर्धेचे नियम आहेत. या स्पर्धेचा पारितोषिक वितरण सोहळा २२ डिसेंबर २०२४ रोजी होणार आहे. अधिक माहितीसाठी आणि प्रवेशिका पाठविण्यासाठी मिलिंद देशमुख (९००४९०१८०४) यांच्याशी संपर्क साधावा.