४ थ्या कलानगरी कोल्हापूर मराठी चित्रपट महोत्सवासाठी प्रवेशिका मागविण्यास सुरुवात

 

कोल्हापूर : भगवान क्रिएशन, कोल्हापूर निर्मित आणि महादेव साळोखे आयोजित ४ थ्या कलानगरी कोल्हापूर मराठी चित्रपट महोत्सवासाठी प्रवेशिका मागविण्यास सुरुवात झाली आहे. हास्यसम्राट शाहीर दादा कोंडके यांच्या स्मरणार्थ हा तीन दिवसीय चित्रपट महोत्सव होणार आहे. या महोत्सवासाठी प्रवेशिका पाठविण्याची अंतिम तारीख २० डिसेंबर २०२४ आहे. या महोत्सवात सहभागी होणाऱ्या प्रत्येक लघुपट, माहितीपट व वेब सिरीज यांना सहभाग प्रमाणपत्र फ्रेमसह देण्यात येणार आहे. या महोत्सवात प्रवेशिका पाठविण्यासाठी लघुपट आणि वेबसिरिजसाठी प्रवेश फी १००० रुपये आणि माहितीपटासाठी प्रवेश फी १५०० रुपये आहे. अधिक माहितीसाठी आणि प्रवेश नोंदविण्यासाठी महादेव साळोखे (९१५६२३१८११, ९३७२३९१८८३) यांच्याशी संपर्क साधावा.