पनवेलमध्ये ‘राज्यस्तरीय रफी गीत गायन स्पर्धेचे’ आयोजन

पनवेल : लोकप्रिय पार्श्वगायक मोहम्मद रफी यांच्या जन्मशताब्दी सांगता वर्षानिमित्त ‘द डिव्हाइन म्युझिक अनलिमिटेड’ आणि ‘पनवेल कल्चरल असोसिएशन’ यांच्या संयुक्त विद्यमाने पनवेलमध्ये राज्यस्तरीय रफी गीत गायन स्पर्धेचे आयोजन करण्यात आले आहे. ही स्पर्धा १६ ते ४० आणि ४१ व त्यापुढील अशा दोन गटांमध्ये होणार आहे. या स्पर्धेसाठी प्रवेशिका पाठवण्याची अंतिम तारीख ३० नोव्हेंबर आहे. ही स्पर्धा प्राथमिक आणि अंतिम अशा दोन फेऱ्यांमध्ये होणार आहे. प्राथमिक फेरी ८ डिसेंबर रोजी आणि अंतिम फेरी २२ डिसेंबर रोजी होणार आहे. स्पर्धेत विजयी होणाऱ्या प्रथम विजेत्याला ७ हजार रुपये आणि स्मृतिचिन्ह, द्वितीय विजेत्याला ५ हजार रुपये आणि स्मृतिचिन्ह आणि श्रोत्यांनी निवडलेल्या विजेत्याला ३ हजार रुपये आणि स्मृतिचिन्ह अशी पारितोषिके मिळणार आहेत. या स्पर्धेत सहभागी होण्यासाठी प्रवेश फी ५०० रुपये आहे. अधिक माहितीसाठी ९८१९४०५२४५ (जयंत) आणि ९८२०४९९४९८ (सतीश गुणे) या क्रमांकावर संपर्क साधावा.