तेजस्वी सूर्या पहिले ‘आयर्न मॅन’ खासदार

  

बेंगळुरू : भाजप खासदार तेजस्वी सूर्या यांनी Tejaswi Surya आयर्न मॅन ७०.३ ट्रायथलॉन चॅलेंज पूर्ण करून इतिहास रचला आहे. ही कामगिरी करणारे ते देशातील पहिले खासदार ठरले आहेत. गोव्यात आयोजित ७०.३ ट्रायथलॉन चॅलेंजमध्ये १.९ किमी पोहणे, ९० किमी सायकलिंग आणि २१.१ किमी धावणे यांचा समावेश आहे. तेजस्वी यांनी हे तीन सेगमेंट ८ तास, २७ मिनिटे आणि ३२ सेकंदात पूर्ण केले. ज्याचे एकूण अंतर ११३ किमी आहे.




या चॅलेंजमध्ये जगभरातून १ हजार, २०० स्पर्धक सहभागी झाले होते. या कामगिरीबद्दल पंतप्रधान नरेंद्र मोदी यांनी सूर्याचे अभिनंदन केले आहे. एक्सवर पंतप्रधानांची पोस्ट, कौतुकास्पद कामगिरी! मला खात्री आहे की, यामुळे अनेक तरुणांना तंदुरुस्तीशी संबंधित क्रियाकलाप करण्यासाठी प्रेरणा मिळेल. ४:०६:४१ तासात ९० किमी सायकल चालवली. त्याने २:५६:३० तासात हाफ मॅरेथॉन पूर्ण केली.