भाजपचे रविंद्र चव्हाण यांनी भरला अर्ज; पक्षाकडून चौथ्यांदा उमेदवारी

हे वाचलंत का? - 

   टाटा एअरबस, फॉक्सकॉन 'मविआ'मुळेच गेले गुजरातमध्ये!

 

 

डोंबिवली पश्चिमेतील सम्राट चौकातून रॅलीला प्रारंभ झाला. दीनदयाल रोडवरून रॅली स्टेशन परिसरात आली. भाजपाच्या माजी नगरसेवक शैलेश धात्रक आणि मनिषा धात्रक यांनी रॅलीचे पुष्पवृष्टीने स्वागत केले. आतिषबाजी ही केली. तसेच मंत्री रविंद्र चव्हाण पुन्हा एकदा जिंकून येतील आणि शैलेश धात्रक यांनी व्यक्त केला. या रॅलीत भाजपाचे माजी मंत्री जगन्नाथ पाटील, जिल्हाध्यक्ष नरेंद्र (नाना ) सूर्यवंशी, शशिकांत कांबळे, मनिषा राणे, मंदार हळबे, समीर चिटणीस, शिंदे गटाचे राजेश मोरे आदी पदाधिकारी आणि कार्यक र्ते उपस्थित होते. महायुतीतील सर्वच घटकपक्ष यावेळी उपस्थित होते. भाजपाचे उमेदवार रविंद्र चव्हाण यांनी आपला अर्ज डोंबिवली विधानसभा मतदारसंघाचे निवडणूक निर्णय अधिकारी अमित शेडगे यांच्याकडे सादर केला.

रविंद्र चव्हाण म्हणाले, पंतप्रधान नरेंद्र मोदी, मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार यांनी महायुतीच्या माध्यमातून या परिसरात अनेक विकास कामे केली आहेत. पक्षश्रेष्ठींनी चौथ्यांदा उमेदवारी दिली आहे. हा मतदार संघ महायुतीचा बालेकि ल्ला आहे. कार्यकर्ते मोठय़ा संख्यने अर्ज भरण्यासाठी आले आहे. त्यामुळे महायुतीचा विजय होईल. सामान्य जनता ही शंभर टक्के महायुतीसोबत आहे. त्यामुळे महायुतीचा विजय हा शंभर टक्के होणार आहे.